1 Rapajko 16:16 - সান্তালী বাইবেল

¹⁶ Israelko do ḍerare tinreko ańjomkeda, Simri do raj upạrte soṛojontrokate uniye gocʼ akadea unre onko do enhilokʼge ḍerare maraṅ senaputi Omri do Israelren rajko bahalkedea.

1 Rapajko 16:16 Referans Kwoze

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

2 Bõsbudạ 22:2

Ahasiạ do bargel bar bochor umerre raje hoylena ar mitʼ bochor Jerusalemre raje calaokeda. Uniren eṅgatakʼ ńutum do Athaliạ tahẽkana; uni do Omriren goṛomtetʼ kuṛiye tahẽkana.

2 Rapajko 8:26

Ar tinre raje hoyena unre uniyakʼ umer do bargel bar bochor tahẽkantaea ar uni do mitʼ bochor Jerusalemre raje calaokeda. Uniren eṅgat Athaliạ do Israelren raj Omriren goṛomtetʼ kuṛiye tahẽkana.

1 Rapajko 16:30

Omri hopon Ahab hõ Probhu Isorakʼ mẽtʼre oka bạricʼakʼ kan onageye kạmiyetʼ tahẽkana, uni lahare okoeko rajko tahẽkan onko sanamko khon hõ ḍher bạṛicʼakʼkoe kạmikan tahẽkana.

1 Rapajko 16:15

Jihudạren raj Asakʼ rajokʼ bargel eaeyakʼ bohcorre Simri do Tirsare eae din raje calaokeda. Ona jokhecʼ Israelren lạṛhại phạdko do Philisṭikoakʼ Gibethonko gherao akatʼ tahẽkana.

1 Rapajko 16:17

Unre Omri ar uni sãoten sanam Israelko do Gibethon khonko rakapʼ calaoente Tirsako gheraokeda.

1 Rapajko 15:27

Isạkar gusṭiren Ạhiạren hopon Basa do Nadab upạrteye soṛojontrokeda. Nadab ar Israelko do tinre Philisṭikoakʼ Gibethonko gherao ạcurkeda unre Basa do Gibethonre Nadabe gocʼkedea.