1 Rapajko 15:5 - সান্তালী বাইবেল

⁵ ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

1 Rapajko 15:5 Referans Kwoze

1 Rapajko 14:8

Ar Dạudakʼ bõs khon rajosṭi recʼ hataokate amiń ematʼme tahẽkana, menkhan ińren guti Dạud leka do bam hoylena. Dạud do ińakʼ hukumkoe bataoetʼ tahẽkana ar mon-ontorte ińre pạtiạre tahẽkana. Ińakʼ mẽtʼre okaṭakʼ bhageakʼ kan eken onageye kạmiyetʼ tahẽkana.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

1 Rapajko 9:4

“Ar amren ạpum Dạud leka khạṭi ontorte, dhoromte iń samaṅrem taṛam ar ińakʼ sanam hukum ar ạn-ạrikom batao,

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

Aposkạmi 13:22

Ona tayom Isor do Sạul ocokʼkate Dạude rajkedea. Uni do Dạud reaṅe menakada, ‘Jisạiren hopon Dạud do ińakʼ mone lekan mitʼṭen hoṛiń ńam akadea. Uni do ińakʼ sanam monejoṅakʼkoe purạutińạ.’

Sereńko 119:6

Enḍekhan amakʼ sanam hukumkoń manao iạte iń do bạń lajao ocokʼa.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

2 Bõsbudạ 34:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana; ar ona hor khon oka secʼge bae ghańjeṛlena.

2 Rapajko 22:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

1 Rapajko 15:3

Abiamren apattetʼ okakoe kạiletʼ uni hõ onako kạmigeye ehopʼena. Uniren hapṛam Dạud leka uniyakʼ ontor do Probhu Isor secʼ purạte do baṅ tahẽkantaea.

Dosar Biboron 17:20

Onate eṭakʼ Israel boehako khon bae usulokʼa ar ạn-ạri khon bae ghańjeṛokʼa. Onate uni ar uni bõsrenko Israelko cetanre ḍher dinko raj daṛeakʼa.

Sereńko 119:102

Amakʼ ạn ạri reakʼ hor khon iń do bạń ocokʼakana, ente am do apnarte ińem cetʼakawạdińa.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.