1 Rapajko 15:3 - সান্তালী বাইবেল

³ Abiamren apattetʼ okakoe kạiletʼ uni hõ onako kạmigeye ehopʼena. Uniren hapṛam Dạud leka uniyakʼ ontor do Probhu Isor secʼ purạte do baṅ tahẽkantaea.

1 Rapajko 15:3 Referans Kwoze

1 Rapajko 11:4

Solomonakʼ haṛam umerre uniren erako do debotako secʼ uniyakʼ monko ạwilketʼtaea. Onate acʼren apat Dạud leka uniyakʼ ontor do Probhu Isor secʼ purạte do baṅ tahẽkantaea.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

1 Rapajko 3:14

Amren ạpum Dạud leka ińakʼ sanam niạm ar hukumkom manao idi ar ińakʼ hortem taṛam enḍekhan ḍher diniń bahao ocomea.”

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

2 Bõsbudạ 25:2

Uni do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana tobe goṭa monte do bae kạmikan tahẽkana.

1 Rapajko 15:14

Uni do than boṭkocʼko bae marao utạrletʼre hõ jiwetʼ bhor Probhu Isorgeye botoradea.

Dosar Biboron 17:20

Onate eṭakʼ Israel boehako khon bae usulokʼa ar ạn-ạri khon bae ghańjeṛokʼa. Onate uni ar uni bõsrenko Israelko cetanre ḍher dinko raj daṛeakʼa.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.