1 Rapajko 15:26 - সান্তালী বাইবেল

²⁶ Ar Probhu Isorakʼ mẽtʼre okaṭakʼ bạṛicʼakʼ kan onage uni doe kạmikan tahẽkana. Uni do acʼren apat lekae calakʼkan tahẽkana, metakʼme acʼren apat Israelko cetʼ lekae kại ocoletʼko onkage uni hõe kạmikeda.

1 Rapajko 15:26 Referans Kwoze

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 15:34

Uni do Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana. Uni do Jerobiam lekageye calakʼkan tahẽkana, metakʼme Jerobiam cetʼleka Israelkoe kại ocoletʼko uni hõ onkageye kạmikeda.

1 Rapajko 15:30

Niạ reakʼ karon do hoyena, Jerobiam do apnartetʼe kạileda ar Israelko hõe kại ocoletʼkoa ar onae onkaketʼte uni do Israelkoren Isorakʼ pite caṛhao ocoketʼtaea.

Romiko lạgitʼ Pạul Apostolakʼ ciṭhi 14:15

Jãhãn jomakʼ iạte amren boeham duk ocoyedekan khan am do bam dulạṛede kana. Okoe lạgitʼ Mạsiye gocʼlen, jomakʼ karonte uni do alom nasao ocoyea.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

2 Rapajko 23:15

Nabatren hopon Jerobiam Israelko cetʼlekae kại ocoyetʼko tahẽkan ar Bethelre oka pinḍ ar than boṭkocʼkoe benaoletʼ Josiạ do onako hõe marao giḍikada. Josiạ do ona than boṭkocʼkoe rạputʼ gejerkeda ar Asera khunṭi do seṅgelreye atarkada.

2 Rapajko 21:11

“Jihudạren raj Manase do niạko bạṛicʼakʼe kại akada. Uni lahate okoe Amorikoko tahẽkan uni do onko khonhõ artetʼ bạṛicʼe kạmi akada ar acʼren boṅga murhutʼko hotete Jihudạ do kại secʼe ạyur idiakadea.

2 Rapajko 3:3

Ar Nabatren hopon Jerobiam Israelko cetʼ lekae kại ocoletʼko onkage Jehoram hõe kạmikeda. Ar ona khon do bae ruạṛlena.

1 Rapajko 22:52

Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana. Uni do acʼren eṅgat apat ar Nabatren hopon Jerobiam lekae senokʼkan tahẽkana. Jerobiam cetʼleka Israelkoe kại ocoyetʼko tahẽkan Ahasiạ hõ onkageye kạmiyetʼ tahẽkana.

1 Rapajko 21:22

Amren bõsko do Nabatren hopon Jerobiam ar Ahiạren hopon Basakʼ bõsren lekań hoyocoytakoa, ente am do ińakʼ pitem caṛhao ocoakatʼtińạ ar Israelkom kại ocoakatʼkoa.

1 Rapajko 16:30

Omri hopon Ahab hõ Probhu Isorakʼ mẽtʼre oka bạricʼakʼ kan onageye kạmiyetʼ tahẽkana, uni lahare okoeko rajko tahẽkan onko sanamko khon hõ ḍher bạṛicʼakʼkoe kạmikan tahẽkana.

1 Rapajko 16:19

Acʼakʼ kại iạtege uni doe gocʼena, ente Probhu Isorakʼ mẽtʼre oka bạṛicʼakʼ kan onageye kạmikan tahẽkana. Uni do Jerobiam lekae senokʼkan tahẽkana, metakʼme Jerobiam Israelko cetʼ lekae kại ocoyetʼko tahẽkan uni hõ onkageye kạmikeda.

1 Rapajko 16:7

Hananren hopon Jehu nạbi hotete Basa ar uniyakʼ bõsko upạrte Probhu Isorakʼ katha do sodorlena, ente Jerobiamakʼ bõsrenko leka uni do Probhu Isorakʼ mẽtʼre oka bạṛicʼakʼ kan ona kạmikote Probhu Isore bekusi ocokedea ar Jerobiamakʼ bõskoe marao giḍikada.

1 Samuel 2:24

E bạbu, Probhu Isorren hoṛko oka kathako roroṛkaniń ańjometʼko ona do baṅ bhagea.

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Genesis 20:9

Unre Abimelek do Abraham hohoadeteye metadea, “Am do ale tulucʼ noa do cetʼlekam beoharkeda? Iń do am ṭhen cetʼ iń dos akatʼte iń ar ińakʼ rajosṭire nunạkʼ maraṅ kại reakʼ dayirem paṛao akadińạ? Nonka beohar do lek baṅ tahẽkantama.”