1 Rapajko 15:22 - সান্তালী বাইবেল

²² Ona tayom Asa raj do Jihudạren sanamko cetanre hukume emkeda, ar okoe hõ bae badletʼkoa. Onate hoṛko do Ramare Basae beohar akatʼ dhiri ar sanam kaṭko idikeda. Ar Asa raj do onakote Benjạmin reakʼ Geba ar Mispa gaṛ lekae benaokeda.

1 Rapajko 15:22 Referans Kwoze

Josuạ 21:17

Ona chaḍa Benjamin gusṭirenkoakʼ jaega khon hõ Gibeon, Geba, Anathot ar Almon ńutuman ponea ato ar nagraha ar onako sãoteakʼ aṭiń ṭạnḍi hõko emocoyena.

Josuạ 18:24

Kephar-Amoni, Ophni ar Geba. Onko do niạ gelbar goṭecʼ nagraha ar ona aḍepase reakʼ sanam atokoko ńamleda.

Josuạ 18:26

Mispa, Kephira, Mosa, Rekem, Irpeyel, Tarala, Sela, Ha-Eleph, Jebusikoakʼ nagraha Jerusalem, Gibea ar Kiriotko ńamleda. Onko do jotote gel pon goṭecʼ nagraha ar ona aḍepase reakʼ joto atokoko ńamkeda.

Jirimiạ 40:10

Iń apnarge Mispareń tahena ar Babelren okoeko abo ṭhenko hijukʼ onko ṭhen ape huyạte kathań roṛa; menkhan ape do darkha rasa, niron din reakʼ pholḍol ar sunumko samṭao jarwaepe ar apeakʼ bhajankore bae dohoepe ar okako ato ar nagrahakope dokhol akatʼ onḍege girobasokʼpe.”

Jirimiạ 40:6

Unre Jirimiạ do Mispate Ahikamren hopon Gedaliạ ṭhen senkate disạmren sarecʼ hoṛko talareye tahẽyena.

2 Bõsbudạ 16:6

Unre Asa raj do Jihudạren sanam hoṛkoe ạguketʼkote Basa okako dhiri ar kaṭko beoharetʼ tahẽkan onako do Rama khone idikeda. Onakote uni do Geba ar Mispare gaṛ lekae benaokeda.

1 Samuel 7:5

Unre Samuele menkeda, “Mispare sanam Israelko jarwakope. Iń do ape lạgitʼ Probhu Isor ṭheniń nehõrokʼa.”

1 Rapajko 15:17

Israelren Basa raj do Jihudạren hoṛko upạrte senkate Rama nagraha do gaṛ lekae benao rakapʼkeda jemon Jihudạren raj Asa ṭhen okoe hõ aloko sen hecʼ daṛeakʼ.

2 Rapajko 23:8

Josiạ do Jihudạ reakʼ nagraha ar atoko khon sanam naekeye ạguketʼkoa ar Geba khon Berseba hạbicʼ okako than boṭkocʼre onko do dhupko jeretʼetʼ tahẽkan onakoe bhõnḍ ocokeda. Uni do Josuạwakʼ phaṭok-duạrte bolokʼ horre okako than boṭkocʼ tahẽkan onako hõe rạputʼ giḍikada. Niạ phaṭok do nagraha reakʼ maraṅakʼ phaṭok duạr khon leṅga secʼre tahẽkana.

Sakariạ 14:10

Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.

Jirimiạ 41:9

Gedaliạ ar eṭakʼko gocʼkate okaṭakʼ kuńre onkoakʼ mạ̃ṛĩye giḍiletʼtako ona do Israelren raj Bakʼasawakʼ ti khon rukhiyạ ńam lạgitʼ Asa raj do onae benaoan tahẽkana. Ar Ismael do mạ̃ṛĩkote onae giḍi dhapaokada.