1 Rapajko 15:12 - সান্তালী বাইবেল

¹² Uni do disạm khon herel mundil kusumbikoe laga ńirketʼkoa ar hapṛamkoren benao sanam boṅga muṭhạnko hõe sạṅgiń giḍikatʼkoa.

1 Rapajko 15:12 Referans Kwoze

1 Rapajko 22:46

Acʼren apat Asawakʼ rajokʼ tayom hõ okoe herel kusumbiko sarecʼko tahẽkan uni do disạm khon onkoe laga ńirletʼko tahẽkana.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

1 Rapajko 15:3

Abiamren apattetʼ okakoe kạiletʼ uni hõ onako kạmigeye ehopʼena. Uniren hapṛam Dạud leka uniyakʼ ontor do Probhu Isor secʼ purạte do baṅ tahẽkantaea.

Dosar Biboron 23:17

“Jãhãe Israelren maejiu jemon mundilren kusmbi aloe hoyokʼ; ar jãhãe Israel herel hõ mundilren kusmbi metakʼme alo jemone jogna ocokʼ.

1 Rapajko 21:26

Israelko samaṅ khon Probhu Isor do okoe Amorikoe laga ńirletʼko onko leka boṅga murhutʼkoe pujạwakote bạṛicʼakʼe kạmiyetʼ tahẽkana.

2 Rapajko 23:7

Ar Probhu Isorakʼ oṛakʼre herel kusumbikoakʼ okako kandha tahẽkan onako hõe rạputʼ giḍikada. Onḍe do maejiuko Asera lạgitʼ kicricʼko tińetʼkan tahẽkana.

1 Rapajko 22:47

Ona jokhecʼ Edom disạmre do cele rajge bako tahẽkana. Mitʼṭen disạm mukhiyạge onḍe doe rajokʼ kan tahẽkana.