1 Rapajko 15:11 - সান্তালী বাইবেল

¹¹ Uniren hapṛam Dạud leka Asa do Probhu Isorakʼ mẽtʼre okaṭakʼ bhageakʼ kan onageye kạmikan tahẽkana.

1 Rapajko 15:11 Referans Kwoze

2 Bõsbudạ 14:2

Asa do Probhu Isorakʼ mẽtʼre bhageakʼgeye kạmiyetʼ tahẽkana.

2 Bõsbudạ 15:17

Uni do Israel khon than boṭkocʼko bae marao giḍi utạr daṛeatʼ tahẽkanre hõ uni do jiwetʼ bhor Probhu Isorgeye botoradea.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

1 Rapajko 15:3

Abiamren apattetʼ okakoe kạiletʼ uni hõ onako kạmigeye ehopʼena. Uniren hapṛam Dạud leka uniyakʼ ontor do Probhu Isor secʼ purạte do baṅ tahẽkantaea.

1 Rapajko 15:12

Uni do disạm khon herel mundil kusumbikoe laga ńirketʼkoa ar hapṛamkoren benao sanam boṅga muṭhạnko hõe sạṅgiń giḍikatʼkoa.

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

1 Rapajko 22:43

Jehosaphat do jotowakʼrege acʼren apattetʼakʼ hortegeye taṛametʼ tahẽkana, ar tishõ ona hor do bae bạgiyada. Probhu Isorakʼ mẽtʼre oka ṭhikakʼ kan onageye kạmiyetʼ tahẽkana. Menkhan than boṭkocʼko do bae marao utạrleda ar hoṛko do onḍe janwarko dãṛẽyetʼko tahẽkana ar dhup hõko jeretʼetʼ tahẽkana.

2 Rapajko 12:3

Menkhan than boṭkocʼko do uni hõ bae marao utạrleda; hoṛko do un hạbicʼ hõ onakore janwarko dãṛẽyetʼko tahẽkana ar dhupkoko jeretʼetʼ tahẽkana.

2 Rapajko 14:3

Amasiạ do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana, menkhan uniren hapṛam Dạud leka do baṅa. Uni do acʼren apat Joas leka sanamakʼgeye kạmiyetʼ tahẽkana.

2 Rapajko 15:3

Asariạ do acʼren apat Amasiạ lekage Probhu Isorakʼ mẽtʼre oka bhageakʼkan onageye kạmiyetʼ tahẽkana.

2 Rapajko 18:3

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

2 Rapajko 22:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

2 Bõsbudạ 14:1

Tayomte Abiạ do acʼren hapṛamko ṭhene senena ar uni do Dạudakʼ nagrahareko topakadea. Ar uniyakʼ jaegare uniren hopon Asa doe rajena. Asakʼ oktere disạmre gel bochor suluk tahẽkana.

2 Bõsbudạ 20:32

Jehosaphat do acʼren apattetʼ Asawakʼ hortegeye taṛametʼ tahẽkana ar tishõ ona hor do bae bạgiyada. Ar Probhu Isorakʼ mẽtʼre oka ṭhikakʼ kan onageye kạmiyetʼ tahẽkana.