1 Rapajko 14:7 - সান্তালী বাইবেল

⁷ Am do senkate Jerobiam noa katham lạiyaea, Israelkoren Probhu Isore meneda, ‘iń do hoṛko mod khon amgeń usulletʼmea ar ińren hoṛ Israelko cetanre mukhiyạ lekateń doholetʼmea.

1 Rapajko 14:7 Referans Kwoze

1 Rapajko 16:2

“E Basa, am do dhuṛi khoniń halaṅ rakapʼketʼmea ar Israelkoren mukhiyạń hoyoco akatʼmea. Menkhan am do Jerobiamakʼ hortegem taṛameda ar ińren Israel hoṛkom kại ocoyetʼkoa ar onkoakʼ kại gunạkʼte ińem bekusi ocoakadińạ.

1 Rapajko 12:24

Probhu Isore meneda apnar Israelko upạrte lạṛhại lạgitʼ do alo jemonko oḍok calakʼ. Onko do oṛakʼteko ruạṛokʼma, ente noa do Probhu Isorakʼ kạmikana.” Onate onko do Probhu Isorakʼ kathako bataoketʼte Probhu Isorakʼ hukum leka oṛakʼteko ruạṛ calaoena.

1 Samuel 15:16

Sạmuel do unre Sạule metadea, “Thirkokʼme. Calaoen ńindạ Probhu Isor okaṭakʼe men akawạdiń onań lạiyama.” Sạule menkeda, “Ma lạiyạńme.”

1 Rapajko 11:28

Unre Jerobiam do onḍeye kạmikan tahẽkana ar kạmi reakʼ ạḍi ńutum tahẽkantaea. Solomon do uni koṛa metakʼme Jerobiam do bes kạmiyạ hoṛ kanae menteye ńelkede khan uni do Josephakʼ bõsren sanam gutiko ńel todarotko reakʼ bhare emadea.

1 Rapajko 14:6

Ar Ạhiạ do duạr ṭhen uniyakʼ taṛam reakʼ sabade ańjomketʼ khane menkeda, “Dela bolokʼme, Jerobiamren bạhu. Am do cedakʼ nonka dom udugokʼ kana? Iń do bạṛicʼ khobor emam lạgitʼgeń men ocoakana.

Hosea 13:11

Onate iń do edrete mitʼṭen rajiń ematʼme tahẽkana ar raṅgaote uni doń uṭhạukedea.

1 Rapajko 11:35

Iń do uniren hoponakʼ ti khon rajosṭiń hataoa ar amakʼ tire gel gusṭirenko reakʼ bhariń emama.

1 Rapajko 11:37

Menkhan iń do amge Israelko cetanre raj doń hoyocomea ar amakʼ ontor reakʼ sana lekatem rajokʼa.

1 Rapajko 13:34

Niạko kạmi Jerobiam bõsrenko lạgitʼ do kại hoyena jemon onko doko ḍahao maraokʼte dhạrti khonko caba utạrokʼ.