1 Rapajko 14:6 - সান্তালী বাইবেল

⁶ Ar Ạhiạ do duạr ṭhen uniyakʼ taṛam reakʼ sabade ańjomketʼ khane menkeda, “Dela bolokʼme, Jerobiamren bạhu. Am do cedakʼ nonka dom udugokʼ kana? Iń do bạṛicʼ khobor emam lạgitʼgeń men ocoakana.

1 Rapajko 14:6 Referans Kwoze

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Mark 14:21

Manwa Hoponakʼ gujukʼ reaṅ sonot sostorre okaleka olakan onkage uni do gujukʼ hoyokʼtaea; menkhan hae uni hoṛ do, one okoe uniye sapʼ ocoyede! Uni hoṛakʼ janam do alo hoylen khange boge hoekokʼa.”

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

1 Rapajko 20:42

Uni nạbi do raje metadea, “Probhu Isor do niạ kathae meneda, ‘okoe do ḍahaokʼ maraokʼ reakʼ sarapiń emade tahẽkan am do unim aṛakʼkedea. Onate uniyakʼ jiwi bodolte amakʼ jiwi ar uniren hoṛko bodolte amren hoṛkoakʼ jiwi hataokʼa.’ ”

1 Rapajko 14:5

Menkhan Probhu Isor do Ạhiyại metade tahẽkana, “Jerobiamren bạhu do acʼren hopontetʼ reaṅ kulime lạgitʼ am ṭhene hijukʼ kana. Uniren hopontetʼ doe ruạ kạhil akana. Ar am do niạkom roṛ ruạṛaea. Uni do nonḍe hecʼkate eṭakʼ mitʼṭen maejiu menkateye udugokʼa.”

1 Rapajko 14:2

Unre Jerobiam do acʼren bạhuttetʼe metadea, “Am do nonkan kicricʼkom horokʼ bandea jemon Jerobiamren bạhu kanam mente alom oromokʼ. Ar ona tayom do Silotem calakʼa. Onḍe do Ạhiạ nạbi menaea. Unige ińe metadiń tahẽkana, noko hoṛkoren rajiń hoyokʼa mente.

1 Samuel 28:18

Am do Probhu Isorakʼ katha bam ańjomakada ar Amelekiko upạrte uniyakʼ oka edre tahẽkan amakʼ kạmi hotete ona hõ bam sodor akada, ar onatege teheń uni do am upạrte noae nonka akada.

1 Samuel 15:26

Menkhan Sạmuel do uniye metadea, “Am sãote do bạń calakʼa. Am do Probhu Isorakʼ hukumem bebatao akatʼte Probhu hõ Israelkoren raj lekateye nihạ̃t giḍi akatʼmea.”

1 Samuel 15:16

Sạmuel do unre Sạule metadea, “Thirkokʼme. Calaoen ńindạ Probhu Isor okaṭakʼe men akawạdiń onań lạiyama.” Sạule menkeda, “Ma lạiyạńme.”

1 Rapajko 14:7

Am do senkate Jerobiam noa katham lạiyaea, Israelkoren Probhu Isore meneda, ‘iń do hoṛko mod khon amgeń usulletʼmea ar ińren hoṛ Israelko cetanre mukhiyạ lekateń doholetʼmea.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.