1 Rapajko 14:3 - সান্তালী বাইবেল

³ Am do soṅgete gel goṭecʼ piṭhạ, thoṛa thuṛi mạṭhại ar mitʼ cukạkʼ dumur rasa uni lạgitʼ idi toraeme. Ar unigeye lạiyama gidrạwakʼ do cetʼ hoyokʼtaea mente.”

1 Rapajko 14:3 Referans Kwoze

2 Rapajko 4:42

Bakʼal Salisa khon mitʼṭen hoṛ do Isorren hoṛ lạgitʼ pạhil samṭaoakʼ phosol khon bargel goṭecʼ jao reakʼ piṭhạ ar ona sãote thoṛa thuṛi nãwã phosol hõe ạgu darakeda. Elisaeye menkeda, “Noa do jom lạgitʼ hoṛko hạṭińakome.”

1 Rapajko 13:7

Raj do Isorren hoṛe metadea, “Ińakʼ oṛakʼre hecʼkate jom-ńũiyme ar iń do mitʼṭecʼ sandesiń emama.”

Johan 11:3

Onate unkin boeha kuṛi do Jisu ṭhen noa kathakin roṛgotʼkada, “E Probhu Isor, okoeyem dulạṛedekan uni do ruạteye kạhil akana.”

2 Rapajko 5:15

Unre Naman ar uni sãoten sanam hoṛ do Isorren hoṛ ṭhenko ruạṛ calaoena. Naman do uni samaṅre teṅgokateye menkeda, “Ńitokʼ doń baḍae daṛeakʼkana, Israelren Isor chaḍa dhạrtire ar cele Isorge bạnukʼkoa. Am do ńitokʼ amren guti ṭhen khon niạ sandes baṛe ataṅme.”

2 Rapajko 5:5

Unre Aramren raj do roṛ ruạṛketʼteye menkeda, “Ṭhikgea, Do calakʼme. Iń do Israelren raj ṭhen mitʼṭecʼ ciṭhiń kola.” Ar onate Naman do pesae aregel keji rupạ, eaegel irạl keji sona ar gel joṛa kicricʼanteye oḍok calaoena.

2 Rapajko 1:2

Ahasiạ do Samariạre acʼakʼ oṛakʼ cetan kandha reakʼ jalna khone ńuren iạteye ghạllena. Unre uni do mitʼbar hoṛ kolkate noa kathae roṛgotʼkada, “Ape do Ekronren debota Bakʼal-sebub ṭhen senkate kulijoṅpe, iń do niạ ghạl khoniń boge ruạṛokʼa se baṅa.”

Mathae 26:7

Ar mitʼṭecʼ ponḍ dhiri reakʼ cukạkʼre ạḍi damanakʼ mahkaokʼ sunume ạgu darakeda. Ar Jisu tinre jojome duṛupʼ akan tahẽkan unre uni do ona mahkaokʼ sunum bohokʼreye duladea.