1 Rapajko 14:16 - সান্তালী বাইবেল

¹⁶ Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 14:16 Referans Kwoze

1 Rapajko 16:2

“E Basa, am do dhuṛi khoniń halaṅ rakapʼketʼmea ar Israelkoren mukhiyạń hoyoco akatʼmea. Menkhan am do Jerobiamakʼ hortegem taṛameda ar ińren Israel hoṛkom kại ocoyetʼkoa ar onkoakʼ kại gunạkʼte ińem bekusi ocoakadińạ.

1 Rapajko 15:34

Uni do Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana. Uni do Jerobiam lekageye calakʼkan tahẽkana, metakʼme Jerobiam cetʼleka Israelkoe kại ocoletʼko uni hõ onkageye kạmikeda.

1 Rapajko 15:30

Niạ reakʼ karon do hoyena, Jerobiam do apnartetʼe kạileda ar Israelko hõe kại ocoletʼkoa ar onae onkaketʼte uni do Israelkoren Isorakʼ pite caṛhao ocoketʼtaea.

1 Rapajko 13:34

Niạko kạmi Jerobiam bõsrenko lạgitʼ do kại hoyena jemon onko doko ḍahao maraokʼte dhạrti khonko caba utạrokʼ.

1 Rapajko 12:30

onate hoṛko do sewae lạgitʼ Dan hạbicʼ calakʼko ehopʼena. Ar noage onko lạgitʼ do maraṅ kạige hoyentakoa.

Romiko lạgitʼ Pạul Apostolakʼ ciṭhi 14:13

Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmima one ona ńelte jãhãe boeha monreye tạkijokʼ se kạireye ńur botecʼkokʼ.

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jesaea 40:24

Enegeko rohoeyokʼ kana, ar enegeko erogokʼ kana ar enegeko rehedokʼ kana, uni do onko cetanreye oṅeda ar onko doko tolmojokʼ kana; mitʼṭecʼ hoe bharḍo leka uni doe oṭaṅ idiyetʼkoa.

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Exodus 32:35

Arone benao akade mĩhũ iạte hoṛko okako cekaketʼ onate Probhu Isor do onko cetanre maraṅ okocʼ muhine kolkeda.

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Exodus 32:25

Mose do hoṛko bhiṅgṛạu akana menteye ńelketʼkoa. Uni doe bujhạukeda Arongeye bhiṅgṛạu ocoakatʼkoa ar onate bạiri ṭhen cigạri ocokʼ lek ko hoyakana.

1 Rapajko 15:26

Ar Probhu Isorakʼ mẽtʼre okaṭakʼ bạṛicʼakʼ kan onage uni doe kạmikan tahẽkana. Uni do acʼren apat lekae calakʼkan tahẽkana, metakʼme acʼren apat Israelko cetʼ lekae kại ocoletʼko onkage uni hõe kạmikeda.

1 Rapajko 16:19

Acʼakʼ kại iạtege uni doe gocʼena, ente Probhu Isorakʼ mẽtʼre oka bạṛicʼakʼ kan onageye kạmikan tahẽkana. Uni do Jerobiam lekae senokʼkan tahẽkana, metakʼme Jerobiam Israelko cetʼ lekae kại ocoyetʼko tahẽkan uni hõ onkageye kạmikeda.

1 Rapajko 21:22

Amren bõsko do Nabatren hopon Jerobiam ar Ahiạren hopon Basakʼ bõsren lekań hoyocoytakoa, ente am do ińakʼ pitem caṛhao ocoakatʼtińạ ar Israelkom kại ocoakatʼkoa.

2 Rapajko 3:3

Ar Nabatren hopon Jerobiam Israelko cetʼ lekae kại ocoletʼko onkage Jehoram hõe kạmikeda. Ar ona khon do bae ruạṛlena.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

1 Rapajko 16:13

Inạ reakʼ karon do hoyokʼkana, Basa ar uniren hopon Ela do ạḍitetʼkin ghạṭleda, unkin do Israelko hõkin kại ocoletʼkoa. Unkin do boṅga murhutʼkote Israelren Probhu Isorkin khĩs ocoledea.

1 Rapajko 16:27

Omriyakʼ eṭakʼ eṭakʼ kạmiko reakʼ katha ar lạṛhạire uniyakʼ jitạukʼ reakʼ katha do “Israelren rapajkoakʼ Itihãs” ńutumanakʼ puthire ol menakʼa.

1 Rapajko 22:53

Uni do Bakʼal debotae sewawae kan tahẽkana ar acʼren apatʼ cetʼkoe cekaletʼ tahẽkan uni hõ onkage Israelren Probhu Isorre khĩs ocoyede tahẽkana.

2 Rapajko 10:31

Enhõ Jihu do goṭa ontorte Israelren Probhu Isorakʼ ạn-ạriko manao lạgitʼ bae sontorlena. Jerobiam Israelko okakoe kại ocoyetʼko tahẽkan uni hõ ona khon do bae ruạṛlena.

2 Rapajko 13:2

Uni do Probhu Isorakʼ mẽtʼre oka bạṛicʼakʼ kan onageye kạmikan tahẽkana ar Nabatren hopon Jerobiam Israelko cetʼ lekae kại ocoyetʼko tahẽkan onkage uni hõe kại ocoyetʼko tahẽkana; ar ona khon do bae ruạṛlena.

2 Rapajko 13:6

Menkhan Jerobiam Israelko cetʼlekae kại ocoletʼko onko do uniyakʼ bõsrenko reakʼ onako kại khon bako ruạṛlena, menkhan kạmi iditegeko tahẽyena. Ona chaḍa Asera muṭhạn do unhõ Samariạrege tahẽyena.

2 Rapajko 14:24

Uni do Probhu Isorakʼ mẽtʼre oka bạṛicʼakʼ kan onageye kạmikan tahẽkana ar Nabatren hopon Jerobiam Israelko cetʼlekae kại ocoyetʼko tahẽkan uni hõ onkageye kạmikeda.

2 Rapajko 15:9

Uni hõ acʼren hapṛamko lekage Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana. Nabatren hopon Jerobiam do cetʼleka Israelkoe kại ocoyetʼko tahẽkan Sakhariạ hõ onkageye kạmiyetʼ tahẽkana.

2 Rapajko 15:18

Uni do Probhu Isorakʼ mẽtʼre oka bạṛicʼakʼkan onageye kạmikeda. Uniyakʼ rajokʼ bhor uni do onako kạkại tegeye tahẽyena one cetʼleka Nabatren hopon Jerobiam do Israelkoe kại ocoyetʼko tahẽkan.

2 Rapajko 17:21

Probhu Isor do Dạudakʼ bõs khon Israelko tinreye cirạ begarketʼkoa unre onko do Nabatren hopon Jerobiam akoren rajko benaokedea. Ar Jerobiam do Probhu Isorakʼ hor khon Israelkoe ghańjeṛ idiketʼkote onko do maraṅ okocʼe kại ocoketʼkoa.

2 Rapajko 17:23

Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

2 Rapajko 23:15

Nabatren hopon Jerobiam Israelko cetʼlekae kại ocoyetʼko tahẽkan ar Bethelre oka pinḍ ar than boṭkocʼkoe benaoletʼ Josiạ do onako hõe marao giḍikada. Josiạ do ona than boṭkocʼkoe rạputʼ gejerkeda ar Asera khunṭi do seṅgelreye atarkada.

2 Bõsbudạ 28:19

Ahas raj iạte Probhu Isor do Jihudại copotʼ ocokeda, ente Ahas do Jihudạre bạṛicʼakʼoe ḍher ocokeda ar Probhu Isor sãote hõ bepạtiạranicʼe tahẽkana.