1 Rapajko 14:11 - সান্তালী বাইবেল

¹¹ Uniyakʼ bõsren okoeko nagrahareko gujukʼ onko do setakoko jomkoa ar bilạn ṭạnḍire okoeko gujukʼ onko do cẽṛẽkoko jomkoa. Iń Probhuge niạ katha doń meneda.’

1 Rapajko 14:11 Referans Kwoze

1 Rapajko 16:4

Amren okoeko hoṛ nagrahareko gujukʼ onko do setakoko jomkoa ar ṭanḍire okoeko gujukʼ onko do cẽṛẽko jomkoa.”

Jirimiạ 15:3

Probhu Isore meneda, “Onko upạrte pon lekan nonosṭokoń kolkoa. Tarwaṛete doko gujukʼa, setako doko or cirạkoa, ar coṭren cẽṛẽko ar otren janwarko doko jomkoa arko mohor meṭaokoa.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

1 Rapajko 21:19

Unim metawea, Probhu Isore meneda, ‘am do cetʼ mitʼṭen hoṛ gocʼkate uniyakʼ sompotti bam dokhol lạgidokʼ kana?’ Ona tayom unim metaea, Probhu Isore meneda, ‘Setako okare Nabatakʼ mãyãmko caṭokʼ jom akatʼ onḍege onko do amakʼ mãyãm, hẽ amakʼ mãyãm hõko caṭokʼ jomtama.’ ”

2 Rapajko 9:9

Iń do uniyakʼ bõsko Nabatren hopon Jerobiamakʼ bõs ar Ahiạren hopon Basakʼ bõs lekań hoeocoya.

Jirimiạ 34:20

Ona iạte okoe bạiriko onko gocʼko reakʼko menetʼkan onko bạirikoakʼ tiregeń soprotkoa. Onkoakʼ mạ̃ṛĩ do coṭren cẽṛẽko ar birren janwarkoakʼ jomakʼge hoyokʼa.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

1 Rapajko 13:34

Niạko kạmi Jerobiam bõsrenko lạgitʼ do kại hoyena jemon onko doko ḍahao maraokʼte dhạrti khonko caba utạrokʼ.

1 Rapajko 15:29

Uni do raj hoykate Jerobiam gharońjren sanamkoe gocʼ cabaketʼkoa. Probhu Isor do acʼren guti Siloren Ạhiạ nạbi hotete oka kathae roṛletʼ ona lekage Basa do Jerobiamakʼ gharońjren sanamkoe marao cabaketʼkoa.

1 Rapajko 16:3

Onate am ar am bõsrenkoń maraopea. Ar am bõsrenko do Nabatren hopon Jerobiamren bõs lekań hoyocoya.

Jesaea 40:5

Unre Probhu Isorakʼ ṭhonokʼ sodorokʼa, ar manwa jạtren sanamko do mitʼte uniko ńela; Probhu Isorge noako katha doe meneda.”