1 Rapajko 14:10 - সান্তালী বাইবেল

¹⁰ Ona iạte iń do Jerobiamakʼ bõs cetanre usạrage muhiniń paṛao ocoya. Uniyakʼ bõs khon mitʼke mitʼ herel hoṛ doń marao utạrkoa- baṅ doe golamkan ar baṅ doe sạdhin kan. Hoṛ do cetʼ leka gõeṭha rapakʼkateko torocʼ ocoyetʼkan onkage Jerobiamakʼ bõskoń marao utạra.

1 Rapajko 14:10 Referans Kwoze

2 Rapajko 14:26

Noa reakʼ karon do hoyokʼkana, Probhu Isor do Israelren sạdhin se guti jotoge ạḍi bạṛicʼ sasetokʼkane ńelletʼkoa; ar onko goṛowako leka do celege bako tahẽkana.

1 Rapajko 21:21

Onate Probhu Isore meneda, ‘iń do am cetanre muhinkoń ạguiya. Ariń marao giḍikama. Golamge cetʼ sạdhinge cetʼ am bõsren mitʼke mitʼ herel hoṛ doń marao cabakoa.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Malaki 2:3

Ape khạtirte aperen bõskoń sạjạikoa; apeakʼ porobre samaṅokʼkan janwarkoakʼ mạilạ do apeakʼ mẽtʼãhãregeń thopramapea ar ona mạilạ sudhạ sạṅgińteń giḍikapea.”

Sephaniạ 1:17

Probhu Isor do hoṛko cetanre maraṅ kosṭogeye paṛao ocoyte onko do kãṛã hoṛ leka ṭạmḍạu baṛaea, ente onko do Probhu Isor upạrteko kại akada. Onkoakʼ mãyãm do dhuṛi lekage giḍi ocokʼa ar onkoakʼ hoṛmo do guricʼ leka giḍi akan tahena.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Jeheskel 26:4

Onko do Tur reakʼ pạcri bhitko rạpuda ar usul pahra oṛakʼko dhasao giḍikakʼa. Ar iń do ona reakʼ dhuṛi hasakoń lakʼ giḍiya ar ona do cạṭạni lekań hoeocoya.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Jesaea 14:19

Menkhan am do giḍi akatʼ dare ḍạr leka topa khon bahretem giḍi ocoakana. Ar tarwaṛeteko gocʼakan okoe do patal puri reakʼ khạndṛuṅ utạrakʼ jaegateko kol ocoakan onkoakʼ mạ̃ṛĩtem ten ocoakana. Am do jaṅgate lebetʼ gańjao akatʼ mạ̃ṛĩ lekam hoyakana.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Sereńko 83:10

Sisrenko ar Jabin Endorreko mohor meṭaoena; onko do jumi reakʼ guricʼ lekako ńur tahẽyena.

Jobakʼ 20:7

enhõ uni do acʼakʼ mạilạ lekageye marao utạrokʼa. Okoe uniko ńelakade onko doko mena, ‘okare menaea uni do?’

2 Rapajko 21:13

Samariạ upạrte okaṭakʼ sosoṅakʼ baber ar Ahabakʼ bõsko upạrte okaṭakʼ sạhul baberiń beoharletʼ onage iń do Jerusalem upạrteń beohara. Cetʼ leka thạri bạṭiko gasao mańjao onkage iń do Jerusalemiń mańjao saphaea ar hạrupʼkateń dohokakʼa.

2 Rapajko 9:37

Ona jumi reakʼ otre Isebelakʼ hoṛmo do guricʼ leka giḍi akan tahena ar okoege bako orom daṛeakʼa ona do Isebelakʼ hoṛmo kana mente.’ ”

1 Rapajko 16:11

Raj lekate siṅghạsonre duṛubokʼ etohopʼrege Simri do Basa bõsren sanamkoe gocʼketʼkoa. Uniren gateko peṛako modre cele herel hoṛge jiwetʼ do bae doholetʼkoa.

1 Samuel 25:34

Amakʼ loksan khon okoe do sạṅgińreye doho akadiń uni Israelren jiwetʼ Isor ńutumte kiriạkateń meneda, usạrate hecʼkate iń sãote bam ńapamlen khan setakʼ hạbicʼ Nabalakʼ oṛakʼren cele herel hoṛge jiwetʼ do bako tahẽkokʼa.”

1 Samuel 25:22

Isor do Dạudren bạiriko khạṭige cetʼlekae sạjạiko onkage ińhõ gapa setakʼ hạbicʼ Nabalakʼ oṛakʼren mitʼṭen herel hoṛ hõ jiwetʼ do bạń dohokoa.”

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

1 Rapajko 13:34

Niạko kạmi Jerobiam bõsrenko lạgitʼ do kại hoyena jemon onko doko ḍahao maraokʼte dhạrti khonko caba utạrokʼ.

1 Rapajko 16:3

Onate am ar am bõsrenkoń maraopea. Ar am bõsrenko do Nabatren hopon Jerobiamren bõs lekań hoyocoya.

Jirimiạ 32:18

Am do hajar hajarko amakʼ asambheṛ dayam udukʼako kana ar apatkoakʼ ghạṭko reakʼ sạjại do onkoren hoponkom emakokana. E maraṅ ar daṛeanicʼ Isor, amakʼ ńutum do sanam daṛeanicʼ Probhuge;