1 Rapajko 13:8 - সান্তালী বাইবেল

⁸ Menkhan Isorren hoṛ do raje roṛ ruạṛadeteye metadea, “Amakʼ sompotti reakʼ adham imạńre hõ am sãote do bạń calakʼa se nonḍe jãhãn jomakʼ se dakʼ hõ bạń ńũiya.

1 Rapajko 13:8 Referans Kwoze

Numeri 24:13

Balak do sona ar rupạte perecʼ raj oṛakʼe imạńre hõ enhõ ińakʼ sana leka bhage ar bạṛicʼ do bạń men daṛeakʼa se Probhu Isorakʼ hukum birud hõ bạń sendaṛeakʼa, menkhan Probhu Isor okae mitạń eken onageń roṛ daṛeakʼa?

Numeri 22:18

Biliame roṛ ruạṛatʼkoa, “Balak do sona rupạte perecʼ acʼakʼ raj oṛakʼe imạńre hõ iń do ińren Probhu Isorakʼ hukum bahre senkate jãhãnakʼ ohogeń cekalea- baṅ do huḍińakʼkan ar baṅ do maraṅakʼ kạmikan.

Mark 6:23

Herod do kuṛi ṭhen kiriạyenteye menkeda, “Jãhãnakʼgem koeyeń onageń emama, metakʼme ińakʼ adha rajosṭi hõń emama.”

Mark 6:11

Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko upạrte goha hoyokʼ.”

2 Rapajko 5:16

Nạbiye roṛ ruạṛkeda, “Okoeyiń sewawae kan uni jiwetʼ Probhu Isor ńutumteń kiriạkʼ kana, iń do mitʼṭecʼ jinis hõ bạń hataotama.” Namane jormoṭkedere hõ uni do bae rạjilena.

Exodus 7:2

Ar okaṭakʼ hukumiń emamkan ona do sanamakʼem sodora. Amren dadam Aron do Pharaoe metaea, jemon acʼakʼ disạm khon Israelkoe sen ocoako.

Exodus 5:6

Pharao do enhilokʼge golamko cetanreye dohoakade sasantaoicʼ sordar ar Israelren cakʼlaoko cetanre noa hukume emkeda,

Exodus 5:3

Unre Mose ar Aronkin menkeda, “Ibrikoren Isor do ạliń ṭhene ńel ocoakana. Onate dayakate sen ocoaleme jemon hahaṅkarre pe din reakʼ horte senkate Probhu Isor ńutumte dãṛẽle samaṅ daṛeakʼ. Ar baṅkhan jãhãn moṛok se lạṛhại hotete uni do ale cetanre sạjạiye kola.”

1 Rapajko 13:9

Niạ reakʼ karon do, Probhu Isorakʼ katha leka niạ hukumiń ńam akada, iń do jemon jãhãn jomakʼ se ńũiyakʼ hõ aloń ńũi ar oka horteń hecʼakan ona horte hõ aloń ruạṛ calakʼ.”

Numeri 22:8

Unre Biliam do onkoe metatʼkoa, “Ńindạ do nonḍege tahẽ aṅgakʼpe. Ar Probhu Isor okaṭakʼe roṛ ruạṛạń onageń baḍae ocopea.” Onate Moabren onko mukhiyạ do uni sãoteko tahẽyena.

Sereńko 141:4

Ińakʼ mon do jãhãn bạṛicʼ jinis secʼ alom sen ocowakʼa, jemon bedhoromko sãote bạṛicʼ kạmire aloń seledokʼ; ar onkoakʼ bhage bhage jomakʼ jemon aloń jom.