1 Rapajko 13:6 - সান্তালী বাইবেল

⁶ Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.

1 Rapajko 13:6 Referans Kwoze

Aposkạmi 8:24

Unre Simone roṛ ruạṛkeda, “Abenge Probhu ṭhen iń lạgitʼ koeben jemon aben okaṭakʼ ben roṛakatʼ ona ińre alo hoyokʼ.”

Exodus 10:17

Onate dayakate niạ dhao baṛe ikạkạńpe. Ar aperen Probhu Isor ṭhen nehõrokʼpe jemon uni do iń cetan khon gujukʼ umule ocokʼ giḍikakʼ.”

Exodus 9:28

Am do Probhu Isor ṭhen nehõrokʼme. Huḍur ar arel do ḍherge hoyakana. Niạ dhao doń sen ocoapea. Nonḍe do ar tahen baṅ hoyokʼtapea.”

Exodus 8:8

Pharao do unre Mose ar Aron hohoatʼkinteye metatʼkinạ, “Probhu Isor nehõrae ben jemon uni do iń ar ińren hoṛko cetan khon roṭekoe ocokʼko. Iń do hoṛkoń sen ocoakoa jemon senkate Probhu Isor ńutumte dãṛẽko samaṅ daṛeakʼ.”

Numeri 21:7

Unre hoṛko do senkate Moseko metadea, “Ale do Probhu Isor ar am upạrte kathale roṛ akatʼte ạḍile kại akada. Am do ńitokʼ Probhu Isor ṭhen nehõrokʼme jemon ale ṭhen khon bińkoe pharakʼko.” Unre Mose do hoṛko lạgitʼe nehõrena.

Exodus 8:28

Pharaoe menkeda, “Aperen Probhu Isor sewae lạgitʼ iń do hahaṅkarteń sen ocoapea. Menkhan ḍher sạṅgiń do alope calakʼa. Ar ńit aben do iń lạgitʼ nehõrokʼ ben.”

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Romiko lạgitʼ Pạul Apostolakʼ ciṭhi 12:21

Bạṛicʼakʼte alom bhagao ocokʼa, bickom bhageakʼte bạṛicʼakʼ bhagaome.

Romiko lạgitʼ Pạul Apostolakʼ ciṭhi 12:14

Okoeko khedetʼpe onko do alope sarapakoa bickom bhorakope.

Aposkạmi 7:60

Are ikhṛumente ãṭ aṛaṅteye menkeda, “E Probhu Isor, nokoakʼ noa kại do alom lekhawakoa,” Ar noa menkate uni doe gocʼena.

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda mente.” Onko do gulibãṭkate Jisuakʼ kicricʼko hạṭińana.

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Jirimiạ 37:3

Enhõ mitʼdin Sedekiạ raj do Selemiạ hopon Jehukal ar Maseya hopon naeke Sephaniạ tekin Jirimiạ nạbi ṭhen kolketʼkinteye roṛgotʼkada, “Am do dayakate, aboren Probhu Isor ṭhen ale lạgitʼ koeme.”

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

1 Samuel 12:19

Unre onko sanamko do Samuelko metadea, “Amren Probhu Isor ṭhen amren gutiko lạgitʼ koeme jemon alole gujukʼ, ente rajle koeante aleakʼ judạ judạ kạiko sãote niạ kại hõ juṭucʼentalea.”

Numeri 12:13

Unre Mose do ãṭ aṛaṅte hohoate Probhui metadea, “E Isor, uni baṛe bogeyeme.”

Exodus 12:32

Abenakʼ katha lekage calakʼ jokhecʼ aperen ḍaṅgrako-bhiḍiko hõ iditorakope, ar iń hõ bhor oṭoạńpe.”

1 Rapajko 13:5

Ona chaḍa Probhu Isorakʼ katha leka Isorren hoṛe roṛketʼ cinhạ leka pinḍ do oṛecʼena ar ona reakʼ torocʼ do taral basalena.

Sereńko 119:58

Iń do mon murukkate amakʼ dayań khojokʼ kana; amakʼ katha leka ińre baṛe dayakʼme.

Sakariạ 7:2

Ona jokhecʼ Probhu Isorakʼ bhor ataṅ lạgitʼ Bethelren hoṛko do Sareser, Regem-melek ar unkinren hoṛko kolketʼkoa.

Exodus 8:4

Onko roṭe do am cetanre ar amren hoṛko cetanre ar amren kạmiyạko cetanreko don baṛaya.’ ”