1 Rapajko 13:5 - সান্তালী বাইবেল

⁵ Ona chaḍa Probhu Isorakʼ katha leka Isorren hoṛe roṛketʼ cinhạ leka pinḍ do oṛecʼena ar ona reakʼ torocʼ do taral basalena.

1 Rapajko 13:5 Referans Kwoze

Mark 16:20

Ar celako do senkate sanam jaegare porcarko ehopʼena. Ar Probhu Isor do onko talate kạmiye ehopʼena ar hahaṛa kạmi reakʼ daṛeteye pormankeda, onko okako porcaretʼkan ona do sạrikana mente.

1 Rapajko 22:35

Goṭa dinge ạḍi botor lạṛhại hoyena ar Israelren raj do Aramrenko samaṅrege rãt gạḍire duṛupʼ akane tahẽyena. Ar uniyakʼ ona ghạl khon mãyãm ạtukʼ ehopʼente otre ńurokʼ ehopʼena ar ạyubokʼ jokhecʼ doe gocʼena.

1 Rapajko 22:28

Unre Mikại menkeda, “Nirạitem ruạṛ hecʼlen khan baḍaeme iń hotete Probhu Isor do katha bae roṛakada.” Ona tayom uni do arhõe menkeda, “Ape sanamkoge ińakʼ katha ańjomkakʼpe.”

1 Rapajko 13:3

Ar enhilokʼge Isorren hoṛ do mitʼṭecʼ cinhạ reakʼ kathae menkeda. Uni doe menkeda, “Probhu Isor do niạ cinhạ reakʼ kathae roṛeda, noa pinḍ do oṛejokʼa ar ona cetan reakʼ torocʼ hõ taral basal ocokʼa.”

Dosar Biboron 18:22

Jãhãe nạbi Probhu Isor ńutumte jãhãn kathae roṛ ar ona do eṛeteakʼ hoyokʼ khan se onka baṅ hoylen khan, enḍekhan bujhạu hoyokʼa ona katha Probhu Isor do bae roṛ akada. Menkhan uni nạbige dilkateye roṛ akada. Uni do alope botoraea.

1 Rapajko 13:4

Bethel reakʼ pinḍ upạrte Isorren hoṛakʼ katha ańjomkate Jerobiam do pinḍ cetanre ti tiạrkateye menkeda, “Uni sabepe.” Menkhan uni hoṛ sabe lạgitʼ okaṭakʼ tiye tiạrketʼtae ona do borocʼentaea. Ona do ar bae or ruạṛ daṛeada.

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.

1 Rapajko 17:16

Eliạ hotete Probhu Isor oka kathae men ocolen onkage holoṅ reakʼ hanḍha ar sunum reakʼ cukakʼ do baṅ khạlilena.

Amos 3:14

Kại iạte oka hilokʼ Israeliń sạjạiye enhilokʼ do Bethel reakʼ pinḍko hõń rạputʼ giḍikakʼa; unre pinḍ reakʼ dereńko do otre rạputʼ ńurokʼa.