1 Rapajko 13:26 - সান্তালী বাইবেল

²⁶ Ona katha ańjomkate nạbi doe menkeda, “Uni doe Isorren hoṛ kana okoe do Probhu Isorakʼ hukum bae bataoletʼ. Ar Probhu Isorakʼ okaṭakʼ katha uniye metade tahẽkan onkage uni do dhạcri kulakʼ tireye jimạkedea ar dhạcri kul do uniye or cirạkedeteye gocʼkedea.”

1 Rapajko 13:26 Referans Kwoze

Jeheskel 9:6

Haṛamko, juạnko, juạniko, maejiuko, ar kạṭicʼ gidrạko jotope gocʼkoa, menkhan okoekoakʼ moloṅre cinhạ menakʼ onko do alope joṭetʼkoa. Mundil khonge ona do ehobpe.” Onate onko do mundil samaṅre okoe murubbiko tahẽkan onko hoteteko ehopʼkeda.

1 Korinthiko 11:30

Ar onatege ape talare ạḍi utạr nijor ar rugiko menakʼkoa, ar aema doko gocʼ akana.

Kạhtukko 11:31

Noa dhạrtirege Isor botoraekan hoṛ do kuṛạiko ńam khan, enḍekhan bedhorom ar kạiyanko do khạṭige akoakʼ kuṛạiko ńamgea.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

2 Samuel 12:10

Am do ińem nihạ̃t akadińạ ar uni Uriạren bạhu do amren bạhu mentem dohoakadea, ona iạte amakʼ gharońj do khũniạhi reakʼ ti khon tishõ rukhiyạ bae ńama.’

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

1 Rapajko 13:25

Ar hoṛko do ona horteko parom calakʼkan tahẽkanre giḍi akan mạ̃ṛĩ ar ona aṛere mitʼṭen dhạcri kul hõ teṅgo akanko ńelkedea. Ar onko do uni haṛam nạbiyakʼ atore senkateko lạikeda.

1 Rapajko 13:27

Ona tayom nạbi do acʼren hoponkoe metatʼkoa, “Gadhare iń lạgitʼ palanpe.” Ar uniren hoponko doko onkakeda.