Biblia Todo Logo
Bib sou entènèt

- Piblisite -




1 Rapajko 13:21 - সান্তালী বাইবেল

21 Ar unre uni nạbi do Jihudạ khon hecʼakan Isorren hoṛ ãṭ aṛaṅteye metadea, “Probhu Isor do niạ kathae meneda, am do Probhu Isorakʼ katham bebatao akada ar Probhu Isor emakʼ hukum bam manao akada.

Gade chapit la Kopi




1 Rapajko 13:21
19 Referans Kwoze  

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.


Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.


Ar uni cetanre oka hoyen ona do acʼren bạhu Seres ar uniren sanam gatekoe lạiyatʼkoa. Hamanren bạhu Seres ar uniren sopolhako do uniko metadea, “Okoe samaṅre amakʼ niạ ńurokʼ ehopʼakan uni Mordekai do Jihudi bõsren hoṛkan khane enḍekhan uni upạrte am do ohom teṅgo daṛelena, ar khạṭigem marao utạrokʼa.”


Isor doe hukum akadińạ, jemon nonḍe do jom hõ aloń jom ar ńũ hõ aloń ńũi ar oka horteń hecʼakan ona horte aloń ruạṛokʼ.”


Unre Gad do Dạud ṭhen senkateye menkeda, “Amakʼ disạmre cetʼ eae bochor akal hoyokʼem khojkana? Se bạiriko khudạu baṛamete pe cando hạbicʼ ńir oko baṛayem khojkana? Se pe mãhã hạbicʼ amakʼ disạmre mahamạrim khojkana? Okoeye kol akadiń uni do cetʼ iń roṛ ruạṛaea ona reakʼ ńitokʼ hudiskate lạiyạńme.”


Usakʼ niạ bebhukti kạmi ńelte Probhu Isorakʼ edre do uni cetanre paṛaoena. Ona iạte Probhu Isor do uniye ńẽtʼkedea, ar onate uni do Probhu Isorakʼ sinduk pheḍreye gocʼena.


Am do Probhu Isorakʼ hukum cedakʼ bam ańjomleda? Am do cedakʼ luṭakʼ jinisko cetanre jhãpem emkeda ar Probhu Isorakʼ mẽtʼre oka bạṛicʼakʼ kan onam kạmikeda?”


Isorakʼ goha sinduk reakʼ katha ańjomtora Eli do phaṭok duạr aṛere acʼakʼ mạci khon tayom secʼe guṛdạu ńurena. Onate uniyakʼ hoṭokʼ do rạputʼentaea are gocʼena, enteye haṛam thalakʼ thulukʼ caba akan tahẽkana ar hoṛmo hõ bhạrige tahẽkantaea. Uni do pongel bochor Israelkoakʼe bicạrletʼtakoa.


“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.


Menkhan Probhu Isor do Mose ar Arone galmaroatʼkinạ, “Aben do iń cetanre baben bhorsalena ar Israelko samaṅre sonot mente baben manaoledińa. Onate Israelko okaṭakʼ disạmiń emako ona disạmte onko do baben idi daṛeakoa.”


Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.


Onate bana hoṛakʼ mẽtʼ do saṛentạkina. Ar uluṅgea kin mente kin bujhạukeda. Ar loa dare reakʼ sakamko rokʼkate ạkin lạgitʼ kicricʼkin benaoana.


Unkin do unhõ ṭebil ṭhen kin duṛupʼ akan tahẽkanrege okoe do Isorren hoṛe ruạṛ ạgulede uni ṭhen Probhu Isorakʼ katha do sodorena.


Oka jaegare jom-ńũi reakʼe manaletʼme onḍege am do ruạṛ senkatem jom-ńũkeda. Onate amren hapṛamkoakʼ topare am do bam topa ocokʼa.”


Unre uni nạbiye menkeda, “Am do Probhu Isorakʼ katham bebataoketʼte iń ṭhen khonem calakʼ são sãote mitʼṭen dhạcri kul do ame gocʼmea.” Ar uni hoṛe calaoen torage mitʼṭen dhạcri kul do uni ńel ńamkedeteye gocʼkedea.


Swiv nou:

Piblisite


Piblisite