1 Rapajko 13:2 - সান্তালী বাইবেল

² Uni do Probhu Isorakʼ katha leka pinḍ upạrteye roṛ saḍekeda, “E pinḍ, E pinḍ, Probhu Isor do niạ kathae meneda, ‘Dạud bõsre Josiạ ńutuman mitʼṭen hopone janamokʼa. Ar usul than boṭkocʼkore okoe naekeko ńitokʼ am cetanre janwarko samaṅetʼko uni do onko naekeko am cetanreye samaṅkoa ar manwakoakʼ jaṅ hõe atar giḍikatakoa.’ ”

1 Rapajko 13:2 Referans Kwoze

Jeheskel 36:1

Probhu Isor do ińe metadińạ, “E manwa hopon, Israel reakʼ buruko ṭhen nạbi katha roṛme ar Probhu Isorakʼ noa katha ańjom lạgitʼem metakoa, bạiriko do onko reaṅe menetʼkana, ‘Ah! Mare usul ṭhạ̃iko do aboakʼ dokholre hecʼakana.’

Luk 19:40

Jisu do onkoe metatʼkoa, “Ińiń metapekana, noko thirko tahen khan enḍekhan dhiriko hõko hohoea.”

Jeheskel 38:4

Am do tayom secʼ iń ạcurmea ar amakʼ jambere bạ̃ṛsiń lagaoa ar amakʼ goṭa lạṛhại phạdko sãote, metakʼme sanam sadomko, mońj kicricʼ horokʼakatʼ aswariko ar lạṭu kạṭicʼ ḍhalko ar tarwaṛeko sudhạ mitʼ maraṅ okocʼ dol sãote amiń oḍok ạgumea.

Jeheskel 36:4

Onate E Israel reakʼ buruko, ape do ińakʼ katha ańjompe. E maraṅ ar huḍiń buruko, khandṛaṅko, buru-nalako, ujạṛ utạrakʼ dhaṅ dhaserakʼko ar ape beṛhaeten eṭakʼ eṭakʼ jạtrenko okoe do luluṭko ar landa dhudhutʼkope hoyocoakatʼko ona bạgi oṭowakʼ nagrahako,

Jirimiạ 22:29

E disạm, E disạm, E disạm, am do Probhu Isorakʼ katha ańjome.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Jesaea 42:9

Ńelpe, lahateakʼ ghoṭnako do ghoṭao akana ar iń do nãwã ghoṭna reakʼ iń lại sodoreda; ar onako ạuri ghoṭaokʼrege ape ṭhen onań lạiyeda.”

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

2 Bõsbudạ 34:1

Josiạ do irạl bochor umerre raje hoylena ar pe gel mitʼ bochor Jerusalemre raje calaokeda.

1 Rapajko 13:32

ente Bethel reakʼ pinḍ ar Samariạ reakʼ sanam atoko reakʼ usul than boṭkocʼko reakʼ mundil upạrte Probhu Isorakʼ katha leka onako reaṅ uniye roṛ saḍe akatʼakʼ do khạṭige hoyokʼa.”

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

Jirimiạ 1:2

Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena.