1 Rapajko 13:1 - সান্তালী বাইবেল

¹ Jerobiam do janwar samaṅko lạgitʼ tinre pinḍ aṛereye teṅgo akan tahẽkana unre Probhu Isorakʼ katha leka Isorren mitʼṭen hoṛ do Jihudạ khon Bethelteye seṭerena.

1 Rapajko 13:1 Referans Kwoze

2 Rapajko 23:17

Raje menkeda, “Ńelokʼkan hana nisạn do cetʼkana?” Nagraharen hoṛko menkeda, “Ona do Isorren hoṛkoakʼ topa reakʼ cinhạ kana. Uni do Jihudạ khon hecʼkate Bethel reakʼ pinḍ upạrte okae roṛ saḍeletʼ ṭhik onkage am dom kạmiakada.”

1 Thessalonikikko 4:15

Probhu Isorakʼ cecetʼakʼ lekatege apele lạiyape kana, okoe jiwetʼ menakʼ bon ar Probhu Isorakʼ ruạṛ hijukʼ hạbicʼ jiwetʼ bon tahen, abo do oka lekate hõ onko gocʼ akanko lahare oho bon calaolena.

Jirimiạ 25:3

“Josiạren hopon Jihudạren raj Amonakʼ rajokʼ gelpe bochor khon ńit hạbicʼ, metakʼme noa bargel pe bochor Probhu Isorakʼ katha do iń ṭhen sodor akana ar iń do aema dhao onań lạiyakatʼpea, menkhan ape do bape lutur akawatʼtińạ.

Jirimiạ 32:29

Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.

Jirimiạ 11:12

Tinre muhin hijukʼa unre Jihudạ ar Jerusalemren hoṛ do senkate onko debota ṭhenko raga one okoe samaṅre dhupko jeretʼetʼ tahẽkan, menkhan onko do bako rukhiyạ daṛeakʼa.

2 Bõsbudạ 26:18

Onko do uni teṅgo daramkedeteko metadea, “E Usiạ, Probhu Isor ńutumte amakʼ dhup jered reakʼ ektiạri do bạnukʼtama. Aronren bõsko, okoe do dhup jered lạgitʼko begar ocoakan, eken onko motoge ạidạri menakʼtakoa. Niạ sonot ṭhạ̃i khon do oḍok calakʼme, ente am dom ghạṭ akada. Noa iạte Probhu Isor do khạṭigeye sạjạimea.”

2 Bõsbudạ 9:29

Solomonakʼ eṭakʼ eṭakʼ kạmi reakʼ katha do pạhil khon ses utạrakʼ hạbicʼ Nathan nạbiyakʼ olakʼre, Siloni Ahiawakʼ nạbi kathare olakana ar Nabatren hopon Jerobiam reaṅ do “dorson ńeńelicʼ Idoakʼ dorson” ńutumanakʼ puthire ol menakʼa.

1 Rapajko 20:35

Probhu Isorakʼ hukumte cela-nạbiko modren mitʼ hoṛ do acʼren sãotenicʼe metadea, “Dayakate daleńme baṛe.” Menkhan uni hoṛ do bae rạjilena.

1 Rapajko 13:32

ente Bethel reakʼ pinḍ ar Samariạ reakʼ sanam atoko reakʼ usul than boṭkocʼko reakʼ mundil upạrte Probhu Isorakʼ katha leka onako reaṅ uniye roṛ saḍe akatʼakʼ do khạṭige hoyokʼa.”

1 Rapajko 13:26

Ona katha ańjomkate nạbi doe menkeda, “Uni doe Isorren hoṛ kana okoe do Probhu Isorakʼ hukum bae bataoletʼ. Ar Probhu Isorakʼ okaṭakʼ katha uniye metade tahẽkan onkage uni do dhạcri kulakʼ tireye jimạkedea ar dhạcri kul do uniye or cirạkedeteye gocʼkedea.”

1 Rapajko 13:9

Niạ reakʼ karon do, Probhu Isorakʼ katha leka niạ hukumiń ńam akada, iń do jemon jãhãn jomakʼ se ńũiyakʼ hõ aloń ńũi ar oka horteń hecʼakan ona horte hõ aloń ruạṛ calakʼ.”

1 Rapajko 13:5

Ona chaḍa Probhu Isorakʼ katha leka Isorren hoṛe roṛketʼ cinhạ leka pinḍ do oṛecʼena ar ona reakʼ torocʼ do taral basalena.

1 Rapajko 12:22

Menkhan Isorren hoṛ Semaya ṭhen Isorakʼ niạ katha do sodorena,

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

Johan sodor 8:3

Inạ tayom ar mitʼṭen serma goḍet hecʼkate pinḍ samaṅreye teṅgoyena. Uniyakʼ tire do sona reakʼ mitʼṭecʼ dhup dạni tahẽkana. Uni do ạḍi utạr dhupko emadea jemon siṅghạson samaṅre sona reakʼ pinḍre Isorren sanam hoṛkoakʼ koejoṅ sãote ona dhup jeretʼkateye samaṅ daṛeakʼ.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

1 Samuel 9:6

Menkhan uni guti doe menkeda, “Ńelme, niạ nagrahare Isorren mitʼṭen hoṛe tahena. Uni do sanamkoko manotea ar uni okae men ona do sạri sạrige hoyokʼa. Dela, alaṅ hõ uni ṭhen laṅ calakʼa. Hoedaṛeakʼa uni doe lại daṛeakʼa oka horte calakʼ hoyokʼ talaṅa mente.

2 Rapajko 23:15

Nabatren hopon Jerobiam Israelko cetʼlekae kại ocoyetʼko tahẽkan ar Bethelre oka pinḍ ar than boṭkocʼkoe benaoletʼ Josiạ do onako hõe marao giḍikada. Josiạ do ona than boṭkocʼkoe rạputʼ gejerkeda ar Asera khunṭi do seṅgelreye atarkada.

2 Bõsbudạ 26:16

Usiại keṭecʼ idiyen khan uniyakʼ monre bạḍại boloyena ar onate uni doe ńurena. Uni do Probhu Isorakʼ oṛakʼre bolokate dhudhup pinḍre dhup jeredkate Probhu Isor upạrteye kạikeda.

1 Samuel 2:27

Mitʼdin Isorren mitʼṭen hoṛ do Eli ṭhen hecʼkateye menkeda, “Probhu Isore meneda, ‘amren hapṛamko tinre Misorre pharao gobolreko tahẽkana unre onko ṭhen iń do cetʼ pusṭạute bạń sodorlena?

Amos 7:13

Bethelre do ar alom nạbiya, ente noa do rajakʼ sonot ṭhạ̃ikana ar rajosṭi reakʼ mundil kana.”

Amos 7:16

Enḍekhan ńitokʼ do Probhu Isorakʼ katha ańjomme. Am dom menetʼkana, ‘Israel upạrte alom nạbiya ar Isahakakʼ bõsrenko upạrtehõ alom porcara.’