1 Rapajko 12:6 - সান্তালী বাইবেল

⁶ Okoe murubbiko acʼren apattetʼ Solomon oktereko sapʼ soraekan tahẽkan Rehobiam do onko sãote galmaraoketʼteye menkeda, “Ma solha emạńpe onko hoṛ do cetʼ iń roṛ ruạṛakoa?”

1 Rapajko 12:6 Referans Kwoze

Jobakʼ 32:7

Iń doń hudisana, umer ḍherkoge katha doko roṛ ocoge, onkoge ạkil reakʼ sikhạunako emokʼma okoe do ḍherko laha idiakan.

Jobakʼ 12:12

Apepe meneda, haṛam hoṛko ṭhen do akel ńamokʼa ar ḍher din bahaokʼicʼ ṭhen do buj menakʼa.

Kạhtukko 27:10

Apnarren se babaren gate do alom bạgi giḍiyea; Muhinre boehawakʼ oṛakʼte alom calakʼa; sạṅgińre tahen boeha khon do aḍepaseren boehageko bhagea.

1 Rapajko 4:2

Uniren maraṅ kạmiyạko doko hoyokʼkana: Sadokren hopon Asriạ nui do rajren sosolhayicʼ naekeye tahẽkana.

2 Samuel 17:5

Menkhan Absalome menkeda, “Erekren Husại hoho ạguyepe, uniyakʼ jãhãnakʼ mementeakʼ menakʼtae khan bon ańjomtaea.”

2 Samuel 16:20

Absalom do Ahitophele metadea, “Ńitokʼ do cetʼ bo cekaea? Am do cetʼ solham emkińạ?

1 Rapajko 4:1

Solomon raj do goṭa Israelko cetanre rajokʼe ehopʼena.

1 Rapajko 10:8

Amren hoṛ do ạḍi sukre menakʼkoa! Ar okoe do jao okte am samaṅreko tahenkan ar amakʼ ạkil reakʼ kathako ańjometʼ onko kạmiyạko doko bhạgangea.