1 Rapajko 12:26 - সান্তালী বাইবেল

²⁶ Jerobiame hudiskeda, “Pasecʼ raj do arhõ Dạudakʼ bõsre ruạṛ calakʼa.

1 Rapajko 12:26 Referans Kwoze

Johan 12:19

Noa ńelte Phạrusiko do ako akoreko men joṅana, “Aboakʼ do cetʼ labge baṅ hoyokʼkana. Ente ńelpe, goṭa dhạrtirenko do uniyakʼ dolteko calaoena.”

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼgea.”

Jesaea 7:9

Ephrayimren matha Samariạ baṅ cetʼ kan, ar Samariạren matha Remaliạren hoponge baṅe celekan? Apeakʼ pạtiạure ṭehãḍ akanpe tahen khan ape do oka lekate hõ ohope teṅgo keṭecʼ daṛelena.’ ”

Sereńko 14:1

Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”

1 Rapajko 12:25

Ona tayom Jerobiam do Eprayim buru ṭoṭha reakʼ Sikem do gaṛ nagraha lekae benaokeda ar onḍe girobasokʼe ehopʼena. Uni do onḍe khon senkate Penuel hõ gaṛ lekae benaokeda.

1 Rapajko 12:27

Ente hoṛko Jerusalemre Probhu Isorakʼ oṛakʼre samaṅokʼakʼ porob lạgitʼko calakʼ khan onko do akoren kisạ̃ṛ Jihudạren raj Rehobiam gobolreko tahẽ ruạṛokʼa. Ar onko do ińko gojeńa ar Rehobiam ṭhenko ruạṛ calakʼa.”

1 Rapajko 15:17

Israelren Basa raj do Jihudạren hoṛko upạrte senkate Rama nagraha do gaṛ lekae benao rakapʼkeda jemon Jihudạren raj Asa ṭhen okoe hõ aloko sen hecʼ daṛeakʼ.

2 Rapajko 13:2

Uni do Probhu Isorakʼ mẽtʼre oka bạṛicʼakʼ kan onageye kạmikan tahẽkana ar Nabatren hopon Jerobiam Israelko cetʼ lekae kại ocoyetʼko tahẽkan onkage uni hõe kại ocoyetʼko tahẽkana; ar ona khon do bae ruạṛlena.

Kạhtukko 14:12

Mitʼṭecʼ hor menakʼa okaṭakʼ do manwakoakʼ mẽtʼre ṭhik bujhạukʼkan, menkhan ona hor mucạtʼre do gujukʼ menakʼa.