1 Rapajko 12:21 - সান্তালী বাইবেল

²¹ Jerusalemte seṭerkate Rehobiam do Jihudạ ar Benjạmin gusṭiren sanam hoṛko lạṛhại lạgitʼe jarwaketʼkoa. Onate mitʼ lakh irạlgel hajar lạṛhại phạdko hoyena. Noa do hoyena jemon Israelko sãote lạṛhạikate rajosṭi do arhõ jemon Solomonren hopon Rehobiamakʼ tire ruạṛ hijukʼ.

1 Rapajko 12:21 Referans Kwoze

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

2 Bõsbudạ 14:8

Jihudạ gusṭiwakʼ ṭoṭhare Asa rajren do ḍhal ar borlom akʼsen lạṛhại phạdko do pe lakh hoṛko tahẽkana, ar Benjạmin gusṭi reakʼ ṭoṭhare do ḍhal ar akʼ sar sasapʼko bar lakh irạlgel hajar lạṛhại phạdko tahẽkana. Noko sanamkoge bir baṅṭako tahẽkana.

1 Bõsbudạ 21:5

Ar okoe do tarwaṛeko calao daṛeakʼ onkoakʼ lekha do Dạude baḍae ocokedea. Onakoakʼ lekha do goṭa Israelko talare gelmitʼ lakh ar Jihudạren do pon lakh eaegel hajar hoṛko tahẽkana.

1 Rapajko 11:32

Menkhan ińren guti Dạud lạgitʼ ar Israelren sanam gusṭiko reakʼ ṭoṭha khon ińiń bachao akawan Jerusalem lạgitʼ eken mitʼ gusṭi do Solomon secʼko tahena.

1 Rapajko 14:30

Rehobiam ar Jerobiam talare do jaoge lạṛhại hoyokʼkan tahẽkana.