1 Rapajko 12:15 - সান্তালী বাইবেল

¹⁵ Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Probhu Isor khonge noa ghoṭna do hoyena.

1 Rapajko 12:15 Referans Kwoze

1 Rapajko 12:24

Probhu Isore meneda apnar Israelko upạrte lạṛhại lạgitʼ do alo jemonko oḍok calakʼ. Onko do oṛakʼteko ruạṛokʼma, ente noa do Probhu Isorakʼ kạmikana.” Onate onko do Probhu Isorakʼ kathako bataoketʼte Probhu Isorakʼ hukum leka oṛakʼteko ruạṛ calaoena.

Bikʼcạrko 14:4

Uniren eṅgat apat do Probhu Isor khonge hoyakan ona do bạkin bujhạu daṛeada, ente uni do Philisṭiko upạrte lạṛhại lạgitʼ mitʼṭecʼ ạte ńam baṛayetʼ tahẽkana. Onako dinre Philisṭiko do Israelko cetanre mạlikiko calaoetʼ tahẽkana.

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

2 Bõsbudạ 25:20

Menkhan Amasiạ do ona katha bae luturada. Noa do Isor khon hoyena, ente hoṛko do Edomren debotakoakʼ goṛoko khojletʼte Isor do Jehoahasakʼ tire onkoe jimạletʼkoa.

2 Bõsbudạ 22:7

Ar noa hotete Isor do Ahasiại ńur ocokedea. Ahasiạ do onḍe seṭerkate Joram sãote Nimsiren hopon Jehu upạrte lạṛhại lạgitʼe calaoena. Nui Jehuge Probhu Isor do Ahabakʼ bõsko ḍahao marao lạgitʼe bahalledea.

2 Bõsbudạ 10:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Isor khonge noa ghoṭna do hoyena.

1 Rapajko 11:11

Onate Probhu Isor do Solomone metadea, “Amakʼ noa beohar iạte ar ińakʼ bondobos ar niạmko bam bataoetʼte khạṭige amakʼ rajosṭi doń recʼmea ar amren mitʼṭen gutiyiń emaea.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

2 Rapajko 10:10

Baḍae dohokakʼpe, Ahabren bõsko upạrte Probhu Isore roṛakatʼ mitʼṭecʼ katha hõ baṅ ạuṛiyagokʼa. Probhu Isor do acʼren guti Eliạ hotete oka hoyokʼ reakʼ kathae menletʼ onae onka akada.”

2 Rapajko 9:36

Onko do ruạṛ hecʼkate Jihuko lạiyade khan uni doe metatʼkoa, “Probhu Isor do acʼren guti Tisberen Eliạ hotete ṭhik niạ kathageye menleda, ‘Jisriyelakʼ jumire setako do Isebelakʼ jelko joma.

1 Rapajko 22:23

Onate Probhu Isor do ńitokʼ amren noko nạbikoakʼ mocare eṛe katha roṛren jiue emakatʼkoa. Amakʼ ḍahao maraokʼ lạgitʼ Probhu Isor do am lạgitʼ bạṛicʼakʼgeye men akada.”

2 Samuel 17:14

Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.

Aposkạmi 3:17

“E boehako, ńitokʼ ińiń baḍaea aperen murubbiko leka ape hõ begor bujhạutege Jisupe kurusledea.

Sereńko 5:10

E Isor, onko baṛe bicạr dusikom; onko do akoakʼ bạṛicʼakʼ iạteko gurokʼma. Onkoakʼ ạḍi utạr ghạṭko iạte laga giḍikom, ente onko do am upạrteko teṅgo akana.

1 Samuel 15:29

Okoe doe Israelkoren ṭhonokicʼ kan uni do eṛe katha bae roṛa se mon hõ bae bodoltaea. Uni do manwa doe baṅ kana, onate mone bodoltaea mente.”

Genesis 24:50

Unre Laban ar Bethuel tạkinkin menkeda, “Enḍekhan noa do Probhu Isor khonge hoyakana. Onate ale do hẽ se baṅ cetʼge memenakʼ do bạnukʼtaea.