1 Rapajko 11:9 - সান্তালী বাইবেল

⁹ Onate Probhu Isor do Solomon cetanre ạḍitetʼe edreyena, ente okoe acʼ ṭhen bar dhaoe ńel ocolen uni Israelkoren Probhu Isor secʼ khon mon do ạcur akantae tahẽkana.

1 Rapajko 11:9 Referans Kwoze

1 Rapajko 9:2

Ona tayom Probhu Isor do dosar dhao uni ṭhene ńel ocoyena cetʼleka Gibeonre mitʼ dhaoe ńel ocolen.

1 Rapajko 3:5

Gibeonre ńindạ jokhecʼ Probhu Isor do kukmũ talate Solomon ṭhene sodorena. Isor do uniye metadea, “Iń ṭhen okam khoj ona reakʼ jotowakʼge amiń emama.”

2 Samuel 6:7

Usakʼ niạ bebhukti kạmi ńelte Probhu Isorakʼ edre do uni cetanre paṛaoena. Ona iạte Probhu Isor do uniye ńẽtʼkedea, ar onate uni do Probhu Isorakʼ sinduk pheḍreye gocʼena.

Dosar Biboron 9:20

Aron marao giḍikae reakʼ edre hõ rakapʼade tahẽkana menkhan ona jokhecʼ Aron lạgitʼ hoń nehõrlena.

Dosar Biboron 9:8

Horeb ṭhen Probhu Isorakʼ edrepe rakapʼ ocoletʼtae jokhecʼ uni do ape marao giḍikapeye menleda.

Dosar Biboron 7:4

ente onko kuṛiko do iń ṭhen khon aperen hoponkoko pharakkoa ar onkoren debotako sewa ocokoa. Onate Probhu Isorakʼ edre seṅgel do ape upạrte jolokʼa ar apeye marao utạrpea.

Dosar Biboron 3:26

“Menkhan ape iạte Probhu Isor do iń cetanreye edreyente ińakʼ kathako do bae ańjomletʼtińạ. Uni doe metadińạ, ‘ḍher hoyakana. Niạ babotre iń do ar alom mitạńa.

Numeri 12:9

Aron ar Mạriạm upạrte Probhu Isorakʼ pit do caṛhaoentaea. Ar uni doe calaoena.

Exodus 4:14

Noa katha ańjomkate Probhu Isor do Mose cetanreye edreyena. Uni doe menkeda, “Amren dadam Liwi Aron do cetʼ bạnuiya? Ińiń baḍaea uni do ạḍi napae katha roroṛe baḍaea. Uni do am tulucʼ ńapamokʼ lạgitʼe hijukʼ kana. Are ńellem khan uni do ạḍiye kusikʼa.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessalonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;

Hosea 4:11

“Loṭghuṭi ar nãwã ar mare darkha rasage ińren hoṛkoakʼ bud doe nosṭo akatʼtakoa.

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

1 Bõsbudạ 21:7

Niạ hukum do Isorakʼ mẽtʼre hõ bạṛicʼakʼge tahẽkana; onate uni do Israel jạtrenkoe sạjạiketʼkoa.

2 Samuel 11:27

Ado homor halaṅ reakʼ okte sạten khan Dạud do acʼakʼ oṛakʼte uniye ạgukedea. Ar acʼren bạhui hoyena ar mitʼṭen gidrại janamkedea. Menkhan Dạud okae cekaketʼ onate Probhu Isor do bae kusilena.

1 Rapajko 11:8

Uniren sanam bidisiạ erako okoe do apan ạpin debotako lạgitʼ dhupko jeretʼetʼ tahẽkan ar janwarko dãṛẽyetʼko tahẽkan onko sanamko lạgitʼ hõ onageye kạmikeda.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.