1 Rapajko 11:40 - সান্তালী বাইবেল

⁴⁰ Ona iạte Solomon do Jerobiam goje lạgitʼe kurumuṭiyetʼ tahẽkana, menkhan uni do Misorren raj Sisak ṭhene dạṛkeda ar Solomon ạuriye gujukʼ hạbicʼ onḍegeye tahẽyena.

1 Rapajko 11:40 Referans Kwoze

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

1 Rapajko 11:39

Onkoakʼ bebatao iạte iń do Dạud bõsrenkoń copotʼkoa, menkhan piṛhike piṛhi do baṅa.”

1 Rapajko 12:2

Unre Nabatren hopon Jerobiam do Misor disạmreye tahẽkana, ente uni do Solomon raj samaṅ khone dạṛletʼ tahẽkana. Ar onḍeye tahẽkanrege uni do Rehobiamakʼ rajokʼ reakʼ khobore ańjomkeda.

2 Bõsbudạ 10:2

Unre Nabatren hopon Jerobiam do Misor khone ruạṛ hecʼena. Uni do Solomon raj samaṅ khone dạṛletʼte onḍeye tahẽkana. Ar onḍe tahen jokhecʼge uni do Rehobiamakʼ rajokʼ reakʼ khobore ańjomleda.

1 Samuel 20:33

Unre Sạul do Jonathan goje lạgitʼ borlome sohoradea. Ar onate Jonathan doe bujhạukeda, acʼren apat do Dạud goje reakʼe ṭhik dohoakada.