1 Rapajko 11:39 - সান্তালী বাইবেল

³⁹ Onkoakʼ bebatao iạte iń do Dạud bõsrenkoń copotʼkoa, menkhan piṛhike piṛhi do baṅa.”

1 Rapajko 11:39 Referans Kwoze

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Luk 2:4

Joseph do Dạud bõsren hoṛe tahẽkana. Ar Jihudạ reakʼ Betlehem do Dạud rajakʼ janam ato tahẽkana.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

1 Rapajko 14:8

Ar Dạudakʼ bõs khon rajosṭi recʼ hataokate amiń ematʼme tahẽkana, menkhan ińren guti Dạud leka do bam hoylena. Dạud do ińakʼ hukumkoe bataoetʼ tahẽkana ar mon-ontorte ińre pạtiạre tahẽkana. Ińakʼ mẽtʼre okaṭakʼ bhageakʼ kan eken onageye kạmiyetʼ tahẽkana.

1 Rapajko 12:16

Israelkoko ńelkeda raj do onkoakʼ katha bae ańjomeda unre onko do rajko metadea, “Dạud cetanre jãhãn dạbiteakʼ do bạnukʼtalea. Jisạiren hopon cetanre aleakʼ ạidạri hõ bạnukʼanaṅ. E Israelko Do apan ạpin oṛakʼte ruạṛ calakʼpe. E Dạud, ńitokʼ amakʼ gusṭi do amtege ńel joṅme.” Onate Israelko do apan ạpin oṛakʼteko ruạṛ calaoena.

1 Rapajko 11:36

Ar ińakʼ tahen oṛakʼ lekateń bachao akawan Jerusalem nagraha do jemon iń samaṅre ińren guti Dạudakʼ mitʼṭecʼ mạli tahen onate uniren hopon do mitʼ gusṭirenko reakʼ bhariń emaea.

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

1 Rapajko 11:40

Ona iạte Solomon do Jerobiam goje lạgitʼe kurumuṭiyetʼ tahẽkana, menkhan uni do Misorren raj Sisak ṭhene dạṛkeda ar Solomon ạuriye gujukʼ hạbicʼ onḍegeye tahẽyena.

2 Samuel 14:14

Otre dakʼ dul giḍile khan cetʼleka ona ar baṅ hạr ruạṛokʼ onkage abo hõ bon gujukʼa. Menkhan Isor do jiwi bae hataoa bickom nonkae bebostaea jemon ocokʼ giḍi akade hoṛ acʼ khon pharakre aloe tahen.