1 Rapajko 11:3 - সান্তালী বাইবেল

³ Uniren do eae sae erako tahẽkantaea, ar onko do raj gharońjren hoponerageko tahẽkana; ona chaḍa uniren do pe sae chuṭki era hõko tahẽkantaea. Ar uniren erako do bạṛicʼ horteko idikedea.

1 Rapajko 11:3 Referans Kwoze

Sosolhayic̕ 7:28

Iń do ạkil reakʼ iń sendrakeda menkhan bạń ńamleda unre iń do hajar hoṛko talare sarhao lek mitʼṭen khạṭi herel hoponiń ńamkedea, menkhan onko talare khạṭi mitʼṭen maejiu hõ bạń ńamledea.

2 Bõsbudạ 11:21

Rehobiam do acʼren eṭakʼ bạhuko ar chuṭi erako khon Absalomren hoponera Maka do ạḍi bạ̃ṛtiye dulạṛede kan tahẽkana. Uniren do jotote gel irạl bạhuko ar turui gel chuṭki erako, bargel irạl hoponko ar turui gel hoponerako tahẽkantaea.

Bikʼcạrko 9:5

Uni do Ophrare acʼ apatakʼ oṛakʼte senkate acʼren eaegel boehako, metakʼme Jerubakʼalren sanam hoponko inạ mitʼ dhiri cetanregeye gocʼketʼkoa. Menkhan Jerubakʼalren joto khon huḍiń utạricʼ hopon Jotham do okoreye tahẽkanteye bańcaoena.

Dosar Biboron 17:17

Uni do aema aloe bạhu joṅma; onate uni do eṭakʼ secʼe ghańjeṛokʼa. Uni do apnar lạgitʼ sona rupạ aema aloe jarwajoṅma.

Soros sereń 6:8

Turuigel rạni ar irạl gel chuṭki erako ar alekha kuṛikoko tahẽdaṛeakʼa,

Soros sereń 6:9

menkhan potamtiń, nichorayicʼtin leka do okoege bạnukʼkoa. Uni do eṅgattetʼren sadhericʼge, one lacʼreye doholede acʼren dulạṛ hoponera. Juạn kuṛiko do uni ńelkate bhạganko metadea rạni ar chuṭki erako hõ uniko sarhaokedea.

Bikʼcạrko 3:6

Onko do onkoren kuṛikoko baplayetʼko tahẽkana ar ako hõ akoren kuṛiko onkoren koṛako lạgitʼko emokʼkan tahẽkana ar onkoren debotakoko sewawako kan tahẽkana.

Ester 1:18

Paras ar Madaeren manotan maejiuko do rạniyakʼ noa beohar reakʼ katha ańjomkate teheńge akoren jãwãeko sãote inạ mitʼ lekageko beohara. Ar onate nihạ̃t ar raṅgao do bạ̃ṛti idikʼa.

Sosolhayic̕ 2:8

Iń do ạḍi utạr sona-rupạ ar judạ judạ rapajkoakʼ ar eṭakʼ eṭakʼ disạm reakʼ dhonko ạgukate apnar lạgitʼ iń jogao dohoan tahẽkana. Iń do ạḍi utạr sekʼreńko ar herel rạskạ ocoko lạgitʼ chuṭki erakoń ńamketʼkoa.