1 Rapajko 11:26 - সান্তালী বাইবেল

²⁶ Nabatren hopon Jerobiam hõ Solomon raj upạrteye hulkeda. Uni do Solomonren mitʼṭen gutiye tahẽkana, uni do Sereda atoren mitʼṭen Ephrayim hoṛe tahẽkana. Uniren eṅgattetʼakʼ ńutum do Serua; uni do rạnḍigeye tahẽkana.

1 Rapajko 11:26 Referans Kwoze

2 Bõsbudạ 13:6

Enhõ Dạudren hopon Solomonren guti Nabatren hopon Jerobiam do acʼren mạlik upạrteye hulkeda.

1 Rapajko 12:2

Unre Nabatren hopon Jerobiam do Misor disạmreye tahẽkana, ente uni do Solomon raj samaṅ khone dạṛletʼ tahẽkana. Ar onḍeye tahẽkanrege uni do Rehobiamakʼ rajokʼ reakʼ khobore ańjomkeda.

1 Rapajko 11:28

Unre Jerobiam do onḍeye kạmikan tahẽkana ar kạmi reakʼ ạḍi ńutum tahẽkantaea. Solomon do uni koṛa metakʼme Jerobiam do bes kạmiyạ hoṛ kanae menteye ńelkede khan uni do Josephakʼ bõsren sanam gutiko ńel todarotko reakʼ bhare emadea.

1 Rapajko 11:11

Onate Probhu Isor do Solomone metadea, “Amakʼ noa beohar iạte ar ińakʼ bondobos ar niạmko bam bataoetʼte khạṭige amakʼ rajosṭi doń recʼmea ar amren mitʼṭen gutiyiń emaea.

2 Samuel 20:21

Katha do onka baṅkana. Ephrayim disạm reakʼ buru ṭoṭharen Bikri hopon Seba ńutuman mitʼṭecʼ hoṛ do Dạud upạrte tiye tulakada. Am do eken uni hoṛ moto ińakʼ tire soprotkaeme, enḍekhan niạ nagraha khon iń doń calao joṅa.” Maejiu do Joabe metadea, “Uniyakʼ bohokʼ do pạcri cetantele capatʼgotʼama.”

1 Samuel 1:1

Ephrayim buru ṭoṭha reakʼ Ramathayim Sophim nagrahare Elkana ńutuman mitʼ hoṛ do Ephrayim gusṭiren hoṛko sãoteye girobasokʼ kan tahẽkana. Uniren apatakʼ ńutum do Jeroham tahẽkana. Jeroham do Elihuren hopone tahẽkana, Elihu do Tohuren hopon ar Tohu do Suphren hopone tahẽkana.

Rut reakʼ kạhini 1:2

Uni hoṛakʼ ńutum do Elimek tahẽkana. Ar uniren bạhuakʼ ńutum do Naomi ar banar hoponkinakʼ ńutum do Mahlon ar Kilion. Onko do Jihudạ disạm reakʼ Bethlehemren Ephati hoṛko tahẽkana. Ar onko do Moab disạmte senkate onḍegeko tahẽyena.

1 Bõsbudạ 2:19

Asubae gocʼen khan Kalubae do Ephrathae baplakedea. Ephratawakʼ kukhire do Hure janamlena.

1 Rapajko 21:22

Amren bõsko do Nabatren hopon Jerobiam ar Ahiạren hopon Basakʼ bõsren lekań hoyocoytakoa, ente am do ińakʼ pitem caṛhao ocoakatʼtińạ ar Israelkom kại ocoakatʼkoa.

1 Rapajko 16:3

Onate am ar am bõsrenkoń maraopea. Ar am bõsrenko do Nabatren hopon Jerobiamren bõs lekań hoyocoya.

1 Rapajko 15:30

Niạ reakʼ karon do hoyena, Jerobiam do apnartetʼe kạileda ar Israelko hõe kại ocoletʼkoa ar onae onkaketʼte uni do Israelkoren Isorakʼ pite caṛhao ocoketʼtaea.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 9:22

Menkhan uni do Israelko modren okoe hõ golam do bae benaoletʼkoa; onko do acʼren lạṛhại birko, acʼren kạmiyạko, acʼ latarren subedarko, mukhiyạko, rãt gạḍi cakʼlaoko ar aswarikoko tahẽkantaea.

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

Genesis 35:16

Ona tayom Jakob ar uniyakʼ gharońjrenko do Bethel khonko mohnḍayena. Ar Ephrat reakʼ horte thoṛa sạṅgińko senen khan Rahel do bedon rakapʼadea ar ạḍi kosṭokʼe ehopʼena.

1 Rapajko 11:25

Solomon tinạkʼ din jiwetʼe tahẽkan unạkʼ din Reson do Israelko sãote bạiriye tahẽkana ar onako dinre Hadad hõ Israelko upạrteye kạmikan tahẽkana. Israelko upạrte mitʼṭen bạiri menkate Reson do Aram disạmreye rajokʼkan tahẽkana.

Bikʼcạrko 12:5

Onate Gileadrenko do Jordan gaḍa reakʼ oka jaegare taṛamte paromokʼ ar Ephrayim ṭoṭha secʼ senokʼ jaegakoko hatkeda. Ar Ephrayim gusṭiren sarecʼ jãhãe hoṛge tinreko menetʼ tahẽkana, “Parom ocoạńme,” Unre Gileadren hoṛko do uniko kuliyede tahẽkana, “Am do cetʼ Ephrayim hoṛ kanam?” Uni doe roṛ ruạṛetʼ tahẽkana, “Baṅa,”

2 Bõsbudạ 9:29

Solomonakʼ eṭakʼ eṭakʼ kạmi reakʼ katha do pạhil khon ses utạrakʼ hạbicʼ Nathan nạbiyakʼ olakʼre, Siloni Ahiawakʼ nạbi kathare olakana ar Nabatren hopon Jerobiam reaṅ do “dorson ńeńelicʼ Idoakʼ dorson” ńutumanakʼ puthire ol menakʼa.