1 Rapajko 11:25 - সান্তালী বাইবেল

²⁵ Solomon tinạkʼ din jiwetʼe tahẽkan unạkʼ din Reson do Israelko sãote bạiriye tahẽkana ar onako dinre Hadad hõ Israelko upạrteye kạmikan tahẽkana. Israelko upạrte mitʼṭen bạiri menkate Reson do Aram disạmreye rajokʼkan tahẽkana.

1 Rapajko 11:25 Referans Kwoze

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Sereńko 106:40

Onate Probhu Isorakʼ edre do onko hoṛ cetanre caṛhaoena; ar okoe acʼakʼ ạidạrireko tahẽkan onko doe hirkhạwatʼkoa.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

1 Rapajko 5:4

Menkhan ńitokʼ ińren Probhu Isor do joto secʼ khon sulukteye dohoakadińạ. Ar ńitokʼ do cele bạirige bạnukʼkotińa ar jãhãn ghoṭna hõ baṅ hoyakana.

2 Samuel 16:21

Ahitophel doe roṛ ruạṛketʼteye menkeda, “Raj oṛakʼ horhoe lạgitʼ ạpum do acʼren okoe chuṭki erakoe bạgi oṭoakatʼko am do onko tulucʼ giticʼ midokʼme. Enḍekhan Israelren sanam hoṛko baḍae daṛeakʼa, am do amren ạpum ṭhen hirkhạwạnicʼem hoyokʼa. Onate am sãoten sanam hoṛ doko am sejokʼa.”

Dosar Biboron 23:7

“Menkhan Edomrenko do alope hirkhạwakoa, ente onko do aperen boeha kanako. Misorrenko hõ alope hirkhạwakoa, ente onkoakʼ disạmre ape do porjạtrenko lekatepe tahekana.

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

1 Rapajko 11:24

Dạud do tinre sebaren lạṛhại phạdkoe gocʼetʼko tahẽkana unre Reson do thoṛa hoṛkoante luluṭ dole benaokeda ar acʼ do onaren mukhiyại hoyena. Noko hoṛko do Damesek nagrahako hatketʼte onḍe rajosṭi calaoko ehopʼ akan tahẽkana.

1 Rapajko 11:26

Nabatren hopon Jerobiam hõ Solomon raj upạrteye hulkeda. Uni do Solomonren mitʼṭen gutiye tahẽkana, uni do Sereda atoren mitʼṭen Ephrayim hoṛe tahẽkana. Uniren eṅgattetʼakʼ ńutum do Serua; uni do rạnḍigeye tahẽkana.