1 Rapajko 11:23 - সান্তালী বাইবেল

²³ Solomon upạrte Isor do ar mitʼṭen bạiriye teṅgokedea. Uni doe hoyokʼkana Elijadaren hopon Reson. Uni do acʼren kisạ̃ṛ Sebaren raj Hadadser ṭhen khone dạṛ akatʼ tahẽkana.

1 Rapajko 11:23 Referans Kwoze

1 Rapajko 11:14

Inạ tayom Probhu Isor do Solomon upạrte Edomren Hadad bạiri lekateye teṅgokedea. Uni do Edomren raj bõsreye janamlena.

2 Samuel 8:3

Tayomte Sobaren raj Rehobren hopon Hadadeser do tinre phurạt gaḍa hạbicʼ arhõ ektiạri ńam ruạṛ lạgitʼe senena unre Dạud do uni sãoteye lạṛhạiyena.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jesaea 13:17

“Ńelpe, onko upạrte iń do Mediren hoṛkoń buskukoa. Onko do rupạ secʼ hõ bako beṅgeda ar sona iạte hõ bako rạskạkʼa.

Sereńko 60:1

E Isor, am do alem dea giḍiakatʼlea, ar alem chiń chạtur akatʼlea; am do ạḍitetʼ bam kusi akana, menkhan am do lahate lekam teṅgo arolea.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

1 Bõsbudạ 19:6

Amonrenko do tinreko bujhạukeda, onko do Dạud ṭhen hirkhạwan hoṛko hoyakana, unre Hanun ar Amonrenko do Aram-Nohoriạm, Aram-Makha ar Soba khon rãt gạḍiko ar rãt cakʼlaoko bhaṛa ạguko lạgitʼ pe gel are hajar keji rupạko kolkeda.

2 Samuel 16:11

Dạud do unre Abisae ar uniren sanam kạmiyạkoe metatʼkoa, “Ińren hoponge ińakʼ jiwi hatao reakʼe kurumuṭu kan khan Benjamin gusṭiren nui hoṛ do cetʼ artetʼge bae onkaea. Uni okae cekayetʼkan ona baṛe onka ocoaepe, ente Probhu Isorge ona onkae lạgitʼe metaekana.

2 Samuel 10:8

Unre Amonrenko do oḍok hecʼkate akoakʼ nagraha reakʼ phaṭok duạr ṭhen lạṛhại lạgitʼ akoren phạdko sapṛaoketʼkoa. Soba ar Rehobren Arami hoṛko ar Toab ar Makaren lạṛhại phạdko do eṭakʼ secʼre bilạn ṭạnḍireko thạrena.

2 Samuel 8:5

Damesekreko tahẽnkan Aramrenko do tinre Sobaren raj Hadadser goṛowae lạgitʼko oḍok hecʼena unre Dạud do onkoren bargel bar hajar hoṛe gocʼketʼkoa.

1 Rapajko 11:22

Pharaoe kulikedea, “Nonḍe do cetʼ reakʼ okulạn menakʼtamte, amakʼ disạmte ruạṛ calakʼem menjoṅ kana?” Hadade roṛ ruạṛkeda, “Cetʼ reakʼge okulạn do baṅ hoyokʼkana, menkhan enhõ iń do ruạṛ calakʼ hoyokʼtińạ.”

1 Rapajko 15:18

Probhu Isorakʼ oṛakʼre ar apnarakʼ raj khajańci oṛakʼre okako sona ar rupạko tahẽkan onako sanamakʼe oḍokkeda. Onako do acʼren gutikoakʼ tite Aramren raj Benhadad ṭhene kolkeda. Benhadad do Tabrimonren hopon Hesbonren goṛomtetʼ koṛae tahẽkana. Uni do unre Damesekreye rajokʼkan tahẽkana. Asa do uni ṭhene roṛgotʼkada,

2 Samuel 8:8

Betah ar Berothae ńutumanakʼ Hadadeserakʼ barea nagraha khon Dạud raj do ạḍi utạr pitạlkoe ạgukeda.