1 Rapajko 11:2 - সান্তালী বাইবেল

² Onko do onako jạtren khongeko hecʼlena one okoe reaṅ Probhu Isor do Israelkoe metatʼko tahẽkan, “Onko do alope baplakoa, ente onko do khạṭige akoren debotako secʼ apeakʼ monko ạwiltapea.” Menkhan Solomon do onkogeye dulạṛketʼkoa.

1 Rapajko 11:2 Referans Kwoze

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

1 Korinthiko 15:33

“Alope bulạukʼa, bạricʼakʼko tulucʼ gatekʼte bhage cạl-colonko hõ bạṛijokʼa.”

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Johan sodor 2:4

Enrehõ am upạrte noa katha roṛteakʼ menakʼtińạ, ente lahate iń lạgitʼ cetʼ leka dulạṛ tahẽkan tam ona dom atʼakada.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Malaki 2:11

Jihudạ doe phạsiạragea. Israel ar Jerusalemre do bạṛicʼakʼ kạmiko hoyakana. Jihudạren hoṛ do boṅgan hoṛkoren hoponerako baplaletʼko iạte Probhu Isore dulạṛetʼko hoṛko besapha ocoakatʼkoa.

Sereńko 139:21

E Probhu Isor, okoe do amko kurudam kan onko do cetʼ bạń kurudako kana? Ar okoe am upạrteko teṅgonkan onko do cetʼ bạń hirkhạwako kana?

Esra 9:12

Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

2 Bõsbudạ 21:6

Ar Ahabakʼ bõsren hoṛko lekage uni do Israelren rajkoakʼ horteye calakʼkan tahẽkana, ente uni do Ahabren mitʼṭen hoponerae baplaledea. Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

Genesis 34:3

Ar Dinare ạḍi mon tolentaea. Uni do Dinae dulạṛkedea ar acʼakʼ dulạṛ reakʼ kathae baḍae ocokedea.

Genesis 2:24

Ona iạte manwa do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa.

Exodus 23:31

“Arakʼ jalapuri khon Palestain disạm reakʼ doreão hạbicʼ ar eṭakʼ secʼ do hahaṅkar khon Uphreṭis gaḍa hạbicʼ apeakʼ disạm reakʼ simạń dohoapea. Ar ona disạmre okoeko girobasokʼkan onko do apeakʼ tireń jimakoa ar ape do onkope laga ńirkoa.

Exodus 34:12

Sontorokʼpe! Oka disạmpe bolo lạgidokʼkan ona disạmren hoṛko sãote cetʼge alope bondobosa; arpe onkae khan onko do ape talare jhampa lekako hoyokʼa.

1 Rapajko 11:9

Onate Probhu Isor do Solomon cetanre ạḍitetʼe edreyena, ente okoe acʼ ṭhen bar dhaoe ńel ocolen uni Israelkoren Probhu Isor secʼ khon mon do ạcur akantae tahẽkana.