1 Rapajko 11:18 - সান্তালী বাইবেল

¹⁸ Onko do Midiạn khon mohnḍakate Paranteko parom senlena ar onḍe khon thoṛa hoṛ soṅgekate Misorren Pharao raj ṭhenko senlena. Ar Pharao do oṛakʼ-duạr khet-baṛge ar jomakʼko Hadade emadea.

1 Rapajko 11:18 Referans Kwoze

Numeri 10:12

Ar Israel hoponko unre sinại hahaṅkarko bạgiyatʼte onḍe khonko mohnḍayena. Ar Paran hahaṅkarre ona rimil ạuri teṅgokʼ hạbicʼ onko do calakʼtegeko tahẽyena.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Dosar Biboron 1:1

Mose do jordan gaḍa purub secʼ reakʼ hahaṅkar jaegare, metakʼme Arabatre sanam Israelkoe galmaraoatʼkoa. Ar oka jaegareye galmaraoatʼko ona do Sup samaṅ secʼre tahẽkana. Ona reakʼ mitʼ secʼre do Paran, Tophel, Laban, Haserot ar Di-Sahab tahẽkana.

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Numeri 25:18

ente Piorren debota sewawae ar Kosbiyakʼ katha iạte bhul horteko idiketʼpete onko do bạiriko hoyakana. Am dom baḍaegea, nui Kosbige onkoren peṛa ar mitʼṭen Midiạn sordarren hoponerae tahẽkana. Piorren Bakʼal debota sewawae iạte tinre ape talare mahamạri ńelena unre uni maejiugeye gocʼ ocolena.”

Numeri 25:14

Ar okoeṭakʼ Israel hoṛ do Midiạnren kuṛi sãoteye gocʼ ocoyen uniyakʼ ńutum do Simerai tahẽkana. Uni do Sạluren hopon ar Simeon gusṭikoren mitʼṭen mukhiyạ hoṛe tahẽkana.

Numeri 25:6

Onate Mose ar Israelren sanamko ńapamokʼ tạmbu reakʼ duạr ṭhen tinreko rakʼjoṅkan tahẽkana unre mitʼṭen Israel hoṛ do onko samaṅrege mitʼṭen Midiạnren kuṛi do acʼakʼ gharońj lạgitʼe idikedea.

Numeri 22:4

Onko do Midiạnren murubbikoko lạiyatʼkoa, “Ḍaṅgrako ṭạnḍireko ạtiń leka noko dolrenko do abo beṛhaeteakʼ sanamakʼko siṭhạ cabaea.” Onate Moabren raj Sipor hopon Balak do Beor hopon Biliam hoho ạguiye lạgitʼ hoṛkoe kolketʼkoa. Unre Biliam do Uphreṭis gaḍa aṛe reakʼ acʼren hoṛkoakʼ disạmre Pethor nagrahareye tahẽkana. Balak doe roṛgotʼkada, “Misor disạm khon mitʼ dol hoṛko oḍok hecʼakana. Ar goṭa disạmko chạplạu ạcur akana ar iń samaṅreko girobasokʼ kana.

Genesis 25:4

Ephah, Epher, Hanok, Abida, ar Eldah do Midiạnren hoponko tahẽkana. Noko joto do Ketuaren hopon ar uniren hoponkoren bõsko tahẽkana.

Genesis 25:2

Uniyakʼ kukhire do nokoko janamlena Simran, Joksan, Medan, Midiạn, Jisbak ar Suah.

Genesis 21:21

Uni do Paran ńutumanakʼ mitʼṭecʼ hahaṅkar ṭoṭhare girobasokʼe ehopʼena. Ar uniren eṅgattetʼ do Misor disạmren mitʼṭen kuṛi sãoteye baplakadea.

1 Rapajko 11:17

Menkhan Hadad do acʼ apatren adom kạmiyạko sãote Misorteye dạṛleda. Ona jokhecʼ uni do gidrạgeye tahẽkana.

1 Rapajko 11:19

Pharao do Hadad cetanre nunạkʼ kusiye tahẽkana je, uni do acʼ bạhu Tahpenesren bokot kuṛi sãote Hadade baplakedea.

Exodus 2:15

Pharao noa kathae ańjomketʼ khan Mose goje lạgitʼe kurumuṭukeda. Menkhan Mose do Pharao ṭhen khone dạṛketʼte Midiạn disạmteye calaoena. Ar onḍe senkate uni do mitʼṭecʼ kuń aṛereye duṛupʼena.