1 Rapajko 11:15 - সান্তালী বাইবেল

¹⁵ Dạud do tinre Edom disạm upạrteye lạṛhạilena unre uniren senaputi Joab do gocʼ hoṛko topako lạgitʼ Edomteye senlena. Ar onḍe tahen jokhecʼge uni do Edomren sanam herel hoponkoe gocʼketʼkoa.

1 Rapajko 11:15 Referans Kwoze

2 Samuel 8:14

Edom disạm reakʼ sanam jaegakore uni do acʼren lạṛhại phạdkoe dohoketʼkoa ar onate Edomrenko hõ uni gobolreko tahẽyena. Ar Dạud do jãhãtegeye calakʼkan tahẽkan Probhu Isor do onḍegeye jitạu ocoyedekan tahẽkana.

Dosar Biboron 20:13

Aperen Probhu Isor do tinre ona nagraha apeakʼ tireye jimạya unre onḍenko herel hoṛ dope gocʼ cabakoa.

Sereńko 108:10

Ona gaṛ nagrahate do okoeye idiyińạ one onare bolokʼ kuṭhinge? Ar Edom reakʼ hor hõ okoeye udukʼạńạ?

Sereńko 60:1

E Isor, am do alem dea giḍiakatʼlea, ar alem chiń chạtur akatʼlea; am do ạḍitetʼ bam kusi akana, menkhan am do lahate lekam teṅgo arolea.

Numeri 31:17

Ńitokʼ do noko koṛa gidrạko ar tinạkʼ do herelakʼ mẽtʼãhãko ńelakatʼ nonkan joto maejiu do gocʼ giḍikakope;

Genesis 27:40

Amakʼ tarwaṛegete jiwetʼem tahena, ar am do bokomren gutim hoyokʼa. Menkhan khạtirjoma tinre bam tahẽ daṛeakʼa unre am do amakʼ taren khon uniyakʼ araṛem giḍikakʼa.”

Genesis 25:23

Probhu Isor do uniye metadea, “Amakʼ kukhire barea jạtrenkoakʼ etohopʼ hoyakana, janam khonge unkin do barea bõskin hoyokʼa. Mitʼṭen khon eṭakʼicʼakʼ daṛe do ḍherokʼa, ar maraṅicʼ do huḍińicʼren gutiye hoyokʼa.”

Numeri 31:7

Probhu Isor Moseye hukumakawade leka onko do Midiạnrenko sãote lạṛhạikate sanam herel hoṛko gocʼketʼkoa.

1 Rapajko 11:14

Inạ tayom Probhu Isor do Solomon upạrte Edomren Hadad bạiri lekateye teṅgokedea. Uni do Edomren raj bõsreye janamlena.

1 Rapajko 11:16

Joab ar Israelren sanam lạṛhại phạdko do Edomre turui candoko tahẽkana ar onḍenko sanam herel hoponko gocʼ cabaketʼkoa.

2 Samuel 8:13

Dạud do buluṅ lodamre gel irạl hajar Aramren hoṛko gocʼkateye ruạṛ hecʼen khan uniyakʼ sunam do goṭa beṛhaete pasnao idiyena.