1 Rapajko 11:1 - সান্তালী বাইবেল

¹ Solomon raj do pharaoren hoponera chaḍa arhõ aema bidisiạ maejiukoe dulạṛetʼko tahẽkana. Onko do Moabren, Amoniren, Edomren, Sidonren ar Hittirenko tahẽkana.

1 Rapajko 11:1 Referans Kwoze

Dosar Biboron 17:17

Uni do aema aloe bạhu joṅma; onate uni do eṭakʼ secʼe ghańjeṛokʼa. Uni do apnar lạgitʼ sona rupạ aema aloe jarwajoṅma.

Kạhtukko 6:24

Noako do bạṛicʼ maejiuakʼ ti khon, ar ạ̃nạ̃ṛi maejiuakʼ cikạ̃ṛ cikạ̃ṛ katha khone rukhiyạmea.

Kạhtukko 7:5

ona do bạṛicʼ maejiuakʼ ti khone rukhiyạmea, ar luhum suhum katha roṛetʼkạnicʼ uni laṭghaṭicʼ maejiuakʼ ti khon hõ.

Kạhtukko 2:16

Ạkilge am do loṭghuṭi reakʼ ti khone rukhiyạmea, ar sebel sebel kathaye roṛetʼkan bạṛicʼ maejiuakʼ ti khon hõ.

1 Rapajko 11:8

Uniren sanam bidisiạ erako okoe do apan ạpin debotako lạgitʼ dhupko jeretʼetʼ tahẽkan ar janwarko dãṛẽyetʼko tahẽkan onko sanamko lạgitʼ hõ onageye kạmikeda.

Kạhtukko 22:14

Eṭakʼ maejiu reakʼ moca do khạndri khạndṛuṅ kana; ar Probhu Isore raṅgaoae kan hoṛ do onaregeye ńurokʼa.

1 Rapajko 3:1

Solomon do Misorren raj Pharaoren hoponerae baplakedete uni tulucʼ gatekʼ reakʼe ehopʼkeda. Solomonakʼ raj gaṛ, Probhu Isorakʼ oṛakʼ ar Jerusalem beṛhaete pạcri ạuriye sạt hạbicʼ acʼren bạhu do Dạudakʼ nagrahareye dohokedea.

Kạhtukko 23:33

Unre amakʼ mẽtʼ do aema lekanakʼkoe ńela ar mon do aje baje kathakoe hudisokʼa.

Levitikus 18:18

Bạhu jiwetʼ tahenre bạhuren boeha kuṛi baplaye hõ baṅ ganokʼa.

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

Esra 10:44

Noko sanamkoge eṭakʼ jạtren kuṛiko baplaletʼkoa ar adom adom bạhukoakʼ hoṛmore do gidrạko hõko tahẽkana.

Kạhtukko 31:3

Ạimạikore amakʼ daṛe do alom cabaetama; amakʼ dhon hõ alo onko do rapajkoko maraokoa.

1 Rapajko 14:21

Solomonren hopon Rehobiam do Jihudạreye rajokʼkan tahẽkana. Ar tinre raje hoylena unre uniyakʼ umer do pongel mitʼ bochor tahẽkana. Ar Probhu Isor do Israel gusṭirenkoakʼ sanam jaega mod khon okaṭakʼ nagraha acʼ tahen lạgitʼe bachaoan tahẽkan ona Jerusalem nagrahare Rehobiam do gel eae bochorre rajena. Uniren eṅgatakʼ ńutum do Nama tahẽkana; uni do Amoni jạtrene tahẽkana.

1 Rapajko 14:31

Tayomte Rehobiam do acʼren hapṛamko ṭhene senena ar Dạud nagrahareko topakadea. Uniren eṅgatakʼ ńutum do Nama; uni do mitʼṭen Amoni jạtren maejiue tahẽkana. Rehobiam tayom do acʼren hopon Abiam uniyakʼ jaegare raje hoyena.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Esra 9:2

Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”