1 Rapajko 10:9 - সান্তালী বাইবেল

⁹ Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

1 Rapajko 10:9 Referans Kwoze

Sereńko 72:2

jemon amren hoṛko dhoromteye bicạr daṛeako ar santao ocokʼkanko hõ hok reakʼe bicạrkatako.

1 Rapajko 5:7

Hiram do Solomon ṭhen khon niạ katha ańjomkate ạḍi kusiyenteye menkeda, “Teheń do Probhu Isorakʼge sarhao hoyokʼtaema, ente noko maraṅ jạtrenko cetanre rajokʼ lạgitʼ Dạud do nonkan mitʼṭecʼ ạkilan hopone dan akawadea.”

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

2 Bõsbudạ 2:11

Turren raj Hirạm do Solomon niạ ciṭhiye ol ruạṛadea, “Probhu Isor do acʼren hoṛkoe dulạṛetʼkoa ar onatege am doe raj akatʼmea.”

Sereńko 22:8

“Uni ma Probhu Isorreye bhorsakʼkan, enḍekhan unigeye rukhiyạyema; ar unigeye bańcaoema, ente uniregeye kusi akana.”

Sereńko 18:19

Uni do mitʼṭecʼ phaelao jaegateye oḍok ạgukedińa; ar ińre kusiye tahẽkante uni doe bańcaokedińa.

1 Bõsbudạ 17:22

Amren hoṛ Israelko do jaejug amren hoṛem hoyocoakatʼkoa, ar am do, E Probhu Isor, onkoren Isorem hoyakana.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Dosar Biboron 7:8

Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.

2 Samuel 5:12

Dạud do unreye bujhạukeda, Probhu Isor do Israelko cetanre acʼakʼ raj hudại ṭarhaoketʼa ar acʼren hoṛko, metatʼme Israelko lạgitʼ acʼakʼ rajosṭiye maraṅketʼtaea.

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”