1 Rapajko 10:4 - সান্তালী বাইবেল

⁴ Sebaren rạni do Solomonakʼ ạkil ar uniyakʼ raj dolankoe ńelkeda.

1 Rapajko 10:4 Referans Kwoze

Mathae 12:42

Bicạr dinre dạkhin disạmren rạni do beretʼkate noa piṛhiren hoṛko doskoe udukʼakoa, ente Solomon rajakʼ ạkilanakʼ kathako ańjom lạgitʼ dhạrti reakʼ mitʼ mucạtʼ khon uni doe hecʼlena. Ar ńelpe, nonḍe do Solomon khon hõ maraṅicʼge menaea.

Sosolhayic̕ 12:9

Sosolhayicʼ do ạkilan hoṛe tahẽkana ar hoṛko hõ bidiyại cetʼ idiwatʼkoa. Uni do hudis ar biḍạu aṭkarkate ạḍi utạr kạhtukkoe gathao galaṅkeda.

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

Mathae 6:29

Menkhan ińiń metapekana, Solomon raj do unạkʼ jak jomoke tahẽkanrehõ noako reakʼ mitʼ goṭecʼ leka hõ bae saj daṛeada.

Luk 12:27

“Bahako secʼ beṅgedpe, cetʼlekate harakʼ kana mente. Onko do kạmi hõ bako kạmiya ar sutạm hõ bako takoea ar bako tińa. Menkhan ińiń metapekana, Solomon raj do nunạkʼ ṭhonokreye tahẽkanre hõ onako reakʼ mitʼṭecʼ leka hõ bae saj daṛeada.

1 Rapajko 10:3

Ar Solomon do uniyakʼ joto kukli reakʼ roṛ ruạṛe emadea. Raj ṭhen nonkan cetʼge kuṭhin do baṅ tahẽkana one okaṭakʼ do bae bujhạu oco daṛeade.

1 Rapajko 10:5

Uni do arhõe ńelkeda uniyakʼ ṭebil reakʼ jomakʼ, uniren kạmiyạkoakʼ tahen jaega, mońj mońj horokʼ bande akatʼ uniren sapʼsosorko, uniren darkha rasa dudulko ar ona siṛhi, one okaṭakʼ siṛhite uni do Probhu Isorakʼ oṛakʼteye rakapʼ calakʼkan tahẽkan. Ar noako ńelte uni doe ṭhak utạrena.