1 Rapajko 10:25 - সান্তালী বাইবেল

²⁵ Ar okoeko hijukʼkan tahẽkan onko sanamkoge thoṛa baṅ thoṛa jãhãnakʼ sandesko ạguiyetʼ tahẽkana. Onako modre sona ar rupạ reakʼ bhajanko, kicricʼ khạnḍwạkʼko, khanḍa bhanḍako, jut so mosolako, sadomko ar khaccorkoko tahẽkana.

1 Rapajko 10:25 Referans Kwoze

Jeheskel 27:14

Amakʼ jinisko bodolte Beth-togarmaren hoṛko do sadomko, lạṛhại sadomko ar khoccorko emokʼkan tahẽkana.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jesaea 36:16

“Hiskiạwakʼ katha do alope ańjoma. Ạsurren raje meneda, ‘iń tulucʼ sulukokʼpe ar iń ṭhen oḍok hijukʼpe. Enḍekhan ape do apan ạpin darkha bagwan reakʼ jo ar apan ạpin loa dare reakʼ jope joma ar apnarakʼ kuń khon dakʼpe ńũiya.

Sereńko 72:15

Uni do ḍher din jiwetʼe tahenma; Seba disạm reakʼ sona uni ṭhen baṛe hijukʼma. Ar siń sạṭupʼ uni lạgitʼ koejoṅ hoyokʼ ma; ar goṭa dinge uni cetanre bhor baṛe ńurokʼma.

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Jobakʼ 42:11

Uniren boeha ar miserako okoe do laha khonko orom akade tahẽkan onko sanamkoge uniyakʼ oṛakʼre hecʼkateko jom ńukeda. Ar Probhu Isor do uni cetanre okako duke ạguketʼ ona lạgitʼ jiwi raṛecʼko emadea. Onko do mimitʼ hoṛ thoṛa thuṛi ṭaka poesa ar mimitʼ goṭecʼ sona mundạmko emadea.

Ester 8:14

Rajren khacaṛ sadomkore decʼkate sombat asenko do usạrate rajakʼ hukumanteko oḍokena. Ar Susan gaṛre hõ ona hukum do lại jạhirena.

Ester 8:10

Mordekai do unre Ahasberos raj ńutumte ciṭhikoe olketʼte rajakʼ mundạme chapada. Ar ona tayom do rajren khacaṛ sadomre decʼkate aswarikoakʼ tite ciṭhikoe kolkeda.

Esra 2:66

Onkoren do eae sae pegel turui goṭen sadomko ar bar sae pongel mõṛẽ goṭen khaccorko,

2 Bõsbudạ 26:8

Amonrenko do Usiạ khajnako emaekan tahẽkana. Uni doe daṛe idikʼkan tahẽkante Misor reakʼ simạ hạbicʼ uniyakʼ ńutum do pasnao idiyentaea.

2 Bõsbudạ 9:24

Ar okoeko hijukʼkan tahẽkan onko do sanamkoge thoṛa baṅ thoṛa jãhãnakʼ sandesko ạguyetʼ tahẽkana. Onako modre sona ar rupạ reakʼ jinisko, kiricʼ khạnḍwạkʼko, khanḍa bhanḍako, jut so mosolako, sadomko khaccarko tahẽkana. Ar bochorke bochor nonkage calakʼkan tahẽkana.

2 Rapajko 17:4

Menkhan Asurren raj doe baḍaekeda, Hosea do mitʼṭen badmas hoṛkanae mente, ente uni do Misorren raj So ṭhen goḍetkoe kolletʼkoa ar Asurren raj do jao bochor oka khajnae emaekan tahẽkan ona do ar bae emokʼkana. Ona iạte Salmaneser do Hoseae sapʼkedete hajotreye bhoraokedea.

1 Rapajko 18:5

Obediại hecʼen khan Ahab do uniye metadea, “Am do disạm reakʼ sanam dakʼ jharna ar soḍokʼko ṭhen calakʼme. Hoedaṛeakʼa sadomko ar khaccorkoakʼ jiwi bańcaotako lạgitʼ thoṛa ghãskom ńam botecʼke. Onate aboren janwarko do gocʼ giḍikako baṅ lagao abona.”

1 Rapajko 10:10

Uni do pon ṭon tala khon hõ bạ̃ṛti sona, ar ạḍi utạr jut so mosolako ar damanakʼ mạnik dhiriko raje emadea. Sebaren rạni do Solomon tinạkʼ jut so mosolakoe emade unạkʼ do tishõ disạmre ar baṅ ạgu akan tahẽkana.

1 Rapajko 1:33

Dạud do onkoe metatʼkoa, “Ape do ińren rurukhiyạ dolko soṅgekope ar ińren hopon Solomon do ińren khaccarre dejepe ar Gihon tapol otette idiyepe.

2 Samuel 8:10

Ar Dạud do Hadadeser sãoteye jitạu akante uni boge judạ ar johar emae lạgitʼ Toi do acʼren hopon Joram Dạud ṭhene kolkedea. Nui Hadadeser sãote Toi do aema dhaoe lạṛhạilena. Ar Joram do Dạud lạgitʼ sona, rupạ ar pitạl reakʼ jinisko soṅgeteye ạgudaraleda.

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

1 Samuel 10:27

Menkhan mitʼ bar bạṛicʼ hoṛ doko menkeda, “Nui hoṛ do cetʼ lekateye rukhiyạ bona?” Onko do uniko nihạ̃tkedea ar cetʼ sandesge bako emadea. Menkhan khan Sạul do hapegeye tahẽyena.

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

Genesis 36:24

Sibeonren hoponkinakʼ ńutum do Aia ar Ana. Nui Anage acʼren apat Sibeonren gadha ạtińe senlenre hahaṅkarre lolo bhumbuke ńamleda.

Sereńko 68:29

Jerusalemre mitʼṭecʼ oṛakʼ menakʼa: onḍege raj do am ṭhen sandesko idiya.

1 Rapajko 5:1

Turren raj Hiram do tinreye ańjomkeda, Solomon do acʼ apatakʼ jaegare raj hudạreye ojokʼ bahal ocoakana unre uni do Solomon ṭhen acʼren hoṛkoe kolkatʼkoa, ente Dạud tulucʼ uni do gate peṛa leka jopoṛao tahẽkantaea.