1 Rapajko 10:22 - সান্তালী বাইবেল

²² Doreãore Hiramakʼ jahaj sãote rajakʼ hõ maraṅ maraṅ Tạrsis jahajko tahẽkana. Pe bochor por por onako jahajte sona, rupạ, hạti sonḍa, hạṛũko ar marakʼkoko ạguiyetʼko tahẽkana.

1 Rapajko 10:22 Referans Kwoze

1 Rapajko 22:48

Jehosaphat do Ophirte senkate sona ạgui lạgitʼ maraṅ maraṅ Tạrsis jahajkoe benaokeda, menkhan onako do ar baṅ senlena, ente Esion-Geberre rạputʼ gejerena.

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Sereńko 48:7

Purub reakʼ kajak hoete cetʼleka uni do maraṅ maraṅ Tạrsis jahajkoe rạputʼletʼ, onkage onkoe marao giḍikatʼkoa.

Genesis 10:4

Jawaren hopon doko hoyokʼkana Elisa, Tạrsis, Kitim ar Dodanim.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jesaea 23:10

E Tạrsisren hoṛko, nil gaḍa dakʼ cetʼ leka chạplạu rakabokʼ onkage ape hõ disạmrepe chirchạturokʼa; ape aṭkao dohope leka do ar celege bạnukʼkoa.

Jesaea 23:6

E jalapuri aṛe aṛete girobasokʼ kan hoṛko, ape do hae haeyokʼpe; ar Tạrsiste parom senokʼpe.

Jesaea 23:1

Tur babotre Probhu Isorakʼ katha do nonka: E maraṅ maraṅ tạrsis jahajko, hae haeyokʼpe, ente Tur do jarkhar akana; onḍe do oṛakʼ hõ bạnukʼa, bondor hõ bạnukʼa. Ape do Kuprus disạm khon niạ sombatpe ańjomakada.

Jesaea 2:16

sanam Tạrsis-jahajko ar mitʼke mitʼ jakjomok jahajko do copotʼ ocokʼa.

2 Bõsbudạ 9:21

Ar rajakʼ adomakʼ maraṅ maraṅ jahajko do Hiramren hoṛko soṅgekate Tạrsiste calakʼkan tahẽkana. Pe bochor por por ona Tạrsis reakʼ jahajko do sona, rupạ, hạti sonḍa, hạṛũko ar marakʼkoko ạguyetʼko tahẽkana.

Jona 1:3

Menkhan Jona do Probhu ṭhen khon Tạrsiste ńir pharakokʼ lạgitʼe mohnḍayena. Uni do Jopha bondorre senkate Tạrsiste calakʼ reakʼ mitʼṭecʼ Jahaje ńamkeda. Ar bhaṛa em tayom ona jahajreye decʼena ar Probhu Isor ṭhen khon ńir pharakokʼ lạgitʼ Tạrsis secʼe mohnḍayena.

Amos 3:15

Iń do rabaṅ din oṛakʼ ar oṛakʼ banargeń rạpuda; ar hạti ḍaṭate kạmi akatʼ oṛakʼ do nosṭokʼa ar maraṅ maraṅ oṛakʼko do maraokʼa. Iń Probhu Isorge noa katha doń meneda.”

Jeheskel 27:12

“ ‘Amakʼ asambheṛ dhon-durib lạgitʼ Tạrsis do am sãoteye bạnij-beparetʼ tahẽkana; rupạ, mẽṛhẽtʼ, ṭin ar sisạkote amakʼ jiniskoe kirińetʼ tahẽkana.

Jobakʼ 39:13

“Ũṭ cẽṛẽ do rạskạte phạ̃kṛạ̃ke ḍhapʼ ḍhapʼetʼaea, menkhan cetʼ ona do dulạṛ reakʼ phạ̃kṛạ̃kʼ ar il kana?

1 Rapajko 10:18

Inạ tayom raj do hạti sonḍa reakʼ mitʼṭecʼ maraṅ okocʼ siṅghạsone benao ocokeda ar khạṭi sonateye tolkeda.

1 Rapajko 9:26

Solomon raj do arakʼ jalapuri aṛe Edom disạm reakʼ Elot nagraha ṭhen Esion Geberre dakʼ jahajkoe benao ocokeda.

1 Rapajko 10:21

Solomonakʼ ńuńuwakʼ sanam bhajanko hõ sona reakʼ ar Lebanon bir oṛakʼ reakʼ sanam bhajanko hõ khạṭi sonate benao tahẽkana. Rupạ reakʼ benaoakʼ do cetʼge baṅ tahẽkana, ente Solomonakʼ oktere rupạ reakʼ dam ḍher do baṅ tahẽkana.

Jeheskel 27:15

Dedanren hoṛko do am sãoteko bạnij-beparetʼkan tahẽkana ar jalapuri aṛeteakʼ ḍher disạmge amakʼ jiniskoko kirińetʼ tahẽkana; onko do hạti ḍaṭa ar terel mańjko emamkan tahẽkana.

1 Rapajko 22:49

Unre Ahabren hopon Ahasiạ do Jehosaphate metadea, “Ińren hoṛko do amren hoṛko sãote jahajteko calakʼma.” Menkhan Jehosaphat do bae rạjilena.