1 Rapajko 10:2 - সান্তালী বাইবেল

² Uni do ḍher hoṛko ar ũṭkoante Jerusalemte hecʼkateye seṭerena. Unre ũṭ cetanre ḍher sona, jut so mosolako, ar damanakʼ mạnik dhiriko tahẽkana. Uni do Solomon ṭhen hecʼkate monre cetʼko tahẽkantae ona jotowakʼe baḍae ocokedea.

1 Rapajko 10:2 Referans Kwoze

Aposkạmi 25:23

Dosar hilokʼ Agrippa raj ar Bernike do maraṅ subedarko ar nagraharen manotan hoṛko sãote ạḍi ṭhosok sajkate bạisitekin boloyena. Ar Phestuse hukumketʼ khan Pạul do onḍeye ạgu ocoyena.

Luk 24:15

Ona jokhecʼ Jisu do unkin ṭhene hecʼ sorente unkin tulucʼe sen idiyena.

Sereńko 4:4

Edrete alope kạiya. Aṭetʼre giticʼkate mon ḍunḍhạutape ar hape akae tahenpe. (Sela)

Jobakʼ 4:2

“Jãhãege am sãote kathae roṛ enḍekhan am do cetʼem ạṛisokʼa? Menkhan katha begor roṛte cetʼ jãhãeye tahẽ daṛeakʼa?

2 Rapajko 20:13

Hiskiạ do kusite onko goḍetkoe ataṅ aderketʼkoa ar acʼakʼ sanam khajańci oṛakʼ, sona, rupạ, jut so mosola, daman sunumko, khanḍa bhanḍako ar murạikoe udukʼatʼkoa. Hiskiạwakʼ raj oṛakʼre se uniyakʼ rajosṭire nonkan cetʼge baṅ tahẽkana one okaṭakʼ do bae udukʼ akawatʼko.

2 Rapajko 5:9

Onate Naman do acʼakʼ rãt gạḍiko ar aswarikoante Elisaeyakʼ oṛakʼ duạr ṭhen senkateye teṅgoyena.

2 Rapajko 5:5

Unre Aramren raj do roṛ ruạṛketʼteye menkeda, “Ṭhikgea, Do calakʼme. Iń do Israelren raj ṭhen mitʼṭecʼ ciṭhiń kola.” Ar onate Naman do pesae aregel keji rupạ, eaegel irạl keji sona ar gel joṛa kicricʼanteye oḍok calaoena.

1 Rapajko 10:10

Uni do pon ṭon tala khon hõ bạ̃ṛti sona, ar ạḍi utạr jut so mosolako ar damanakʼ mạnik dhiriko raje emadea. Sebaren rạni do Solomon tinạkʼ jut so mosolakoe emade unạkʼ do tishõ disạmre ar baṅ ạgu akan tahẽkana.

Exodus 25:6

marsal jol lạgitʼ jạitun reakʼ sunum; ojokʼ bahalokʼ reakʼ sunum, dhup ar jut so mosolako;

Genesis 18:33

Abraham sãote katha roṛ mucạtʼkate Probhu Isor do onḍe khone calaoena ar Abraham hõ acʼakʼ oṛakʼteye ruạṛ calaoena.

1 Rapajko 10:3

Ar Solomon do uniyakʼ joto kukli reakʼ roṛ ruạṛe emadea. Raj ṭhen nonkan cetʼge kuṭhin do baṅ tahẽkana one okaṭakʼ do bae bujhạu oco daṛeade.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jeheskel 27:22

Seba ar Ramaren bạnij-bepariko hõ am sãoteko bạnijetʼ tahẽkana; amakʼ jinisko bodolte onko do sanam lekan bhage bhage mosola, damanakʼ dhiri ar sonako emam kan tahẽkana.

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.