1 Rapajko 10:1 - সান্তালী বাইবেল

¹ Solomonakʼ namḍak ar uni hotete sodorakʼ Probhu Isorakʼ sarhao reakʼ katha ańjomkate Seba disạmren rạni do kuṭhin kuṭhin kuklikote uni biḍạue lạgitʼe hecʼena.

1 Rapajko 10:1 Referans Kwoze

Mathae 12:42

Bicạr dinre dạkhin disạmren rạni do beretʼkate noa piṛhiren hoṛko doskoe udukʼakoa, ente Solomon rajakʼ ạkilanakʼ kathako ańjom lạgitʼ dhạrti reakʼ mitʼ mucạtʼ khon uni doe hecʼlena. Ar ńelpe, nonḍe do Solomon khon hõ maraṅicʼge menaea.

Luk 11:31

Bicạr dinre dạkhin disạmren rạni do beretʼkate noa piṛhiren hoṛko doskoe udukʼakoa, ente Solomon rajakʼ ạkilanakʼ kathako ańjom lạgitʼ uni do dhạrti reakʼ mitʼ mucạtʼ khone rakapʼ hecʼlena; ar ńelpe, nonḍe do Solomon khon hõ maraṅicʼ mitʼ hoṛ menaea.

Sereńko 72:15

Uni do ḍher din jiwetʼe tahenma; Seba disạm reakʼ sona uni ṭhen baṛe hijukʼma. Ar siń sạṭupʼ uni lạgitʼ koejoṅ hoyokʼ ma; ar goṭa dinge uni cetanre bhor baṛe ńurokʼma.

Genesis 10:28

Ebal Abimayel Seba,

Genesis 10:7

Kusren hopon doko hoyokʼ kana, Seba, Hạwila, Sabta Raema ar Sabteka; ar Raemaren hopon dokin hoyokʼ kana Seba, ar Dedan.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Jesaea 60:6

Amakʼ disạm do gạd gạd ũṭkote perejokʼa Midian ar Epharen daṛean ũṭkotege. Onko do sona ar kunduruwante Seba disạm khonko hijukʼa ar Probhu Isorakʼ sabasiko jạhira.

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Sereńko 49:4

Iń do cecetʼakʼte perecʼ phen kathakore moniń bạisạutińạ; ar peṛesaṅ sãote sereńate uniyakʼ khạndri hudis reakʼ iń galmaraoa.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Jobakʼ 6:19

Temaren hortenko do dakʼ reakʼko khojetʼa, Sebaren bepariko do askateko koyokʼ horeda.

1 Rapajko 4:34

Dhạrtiren okoeko raj do Solomonakʼ ạkil reaṅko ańjomakatʼ tahẽkan onko do uniyakʼ ạkil reakʼ katha ańjom lạgitʼ akoren hoṛko koletʼko tahẽkana. Ar nonkate sanam jạtren hoṛ do uni ṭhenko hijukʼkan tahẽkana.

1 Rapajko 4:31

Sanam hoṛko khon, se Esraeren Ethon ar Mahalelren hopon Hemen, Kolkol ar Dorda khon hõ ḍher ạkilane tahẽkana. Uniyakʼ ńutum do aḍepase sanam jạtrenko talare pasnao idiyentaea.

Genesis 25:3

Seba ar Dedan do Joksanren hoponkin tahẽkana. Asuriko, Letusiko ar Leumiko do Dedan bõsren hoṛ kanako.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Mark 4:34

Phen chaḍa uni do bae cetʼakokan tahẽkana, menkhan celako acʼ sãote eskarko tahenre jotowakʼe bhoṅako kan tahẽkana.

Mathae 13:35

Noa do hoyena nạbi hotete roṛlenakʼ katha jemon purạukʼ: Iń do ińakʼ mocate phenkoń lạiya; dhạrti reakʼ etohopʼ khon okako oko tahẽkan, onań lại sodora.

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

Jeheskel 38:13

“ ‘Unre Seba, Dedan ar Tạrsis ar uniyakʼ sanam atokoren bạnij bekʼparko do amko kulimea, am do luṭ paṭ lạgitʼem hecʼakana se sona rupạ, janwarko ar jinisko idiy lạgitʼ ar ḍher jinisko recʼ idiy lạgitʼ amren dol bolkom jarwa akatʼkoa?’

Jeheskel 16:14

Amakʼ mońj iạte amakʼ ńutum do boṅgan hoṛ jạtrenko talare pasnaoentama, ar am sajketʼme reakʼ purạ mahttoge ińakʼ tahẽkana. Iń Probhu Isorge noa katha doń meneda.

1 Rapajko 5:14

Ar jao cando uni do pạli pạlite onko mod khon gel hajar hoṛ Lebanonteye koletʼko tahẽkana. Onko do Lebanonre mitʼ cando ar akoakʼ oṛakʼre bar candokateko tahẽnkan tahẽkana. Onkoakʼ noako kạmi ńel todarot reakʼ bhar do Adoniram cetanre tahẽkana.

1 Rapajko 10:24

Solomonakʼ ontorre Isor do oka ạkile emade ona ạkilte perecʼ katha ańjom lạgitʼ dhạrti reakʼ sanam disạm khon uni sãote ńapamokʼ lạgitʼko kurumuṭuyetʼ tahẽkana.