1 Rapajko 1:6 - সান্তালী বাইবেল

⁶ Uniren apattetʼ do tishõ uniyakʼ kạmire bae tạkicʼ daram akadea, se bae men akadea, “Cedakʼ nonka dom kạmikana?” Uni do Absalom leka ńelokʼte mońjgeye tahẽkana; ar Absalom bokottetʼe tahẽkana.

1 Rapajko 1:6 Referans Kwoze

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

Kạhtukko 29:15

Pãeṛã ar nisṛạu do ạkile dana, menkhan okoeṭakʼ hopon do ḍanṭaore bạnui uni do eṅgattetʼe lajao ocoyea.

Kạhtukko 22:15

Gidrạ do sobhabtegeko bebujgea, menkhan ḍanṭao ṭheṅga do uni khon onae laga pharaka.

1 Bõsbudạ 3:2

tesaricʼ hopon do Absalom, one uniren eṅgat do Gesorren raj Talmạiren hoponera Makaye tahẽkan; ponicʼ hopon do Adoniạ, one uniren eṅgat do Hogite tahẽkan;

2 Samuel 14:25

Goṭa Israel disạmre Absalom leka ńelokʼte mońj do ar okoe hõ bako tahẽkana. Mońj ńelokʼ iạte uni do jotoko khon bạ̃ṛti sarhaoe ńametʼ tahẽkana. Uniyakʼ jaṅga talka khon coṭ bohokʼ hạbicʼ okare hõ cetʼ khutge baṅ tahẽkantaea.

1 Samuel 10:23

Unre hoṛko do ńir senente onḍe khon Sạulko ạgukedea. Ar hoṛko talareye teṅgoyen khan uni do sanamko khon mitʼ phuṭ usule ńelena.

1 Samuel 9:2

Kisren do Sạul ńutuman mitʼṭen hopone tahẽkantaea. Uni do juạn ar ńelokʼte ạḍi napae koṛae tahẽkana. Israelko modre uni lekan ńelokʼte mońj do ar okoe hõ bako tahẽkana. Uni do eṭakʼko khon mitʼ phuṭ usule tahẽkana.

1 Rapajko 2:22

Solomon do acʼren eṅgattetʼe metadea, “Adoniạ lạgitʼ Sunemrem Abisag do cedakʼem khojekana? Am do uni lạgitʼ rajosṭi hõm koe daṛekińạ, ente uni do ińren maraṅicʼ boeha kanae; hẽ ar uni lạgitʼ, naeke Abiạthar lạgitʼ ar Seruyaren hopon Joab lạgitʼ hõ onam koe daṛekińạ.”