1 Rapajko 1:50 - সান্তালী বাইবেল

⁵⁰ Menkhan Adoniạ do Solomon botorte senkate pinḍ reakʼ dereńreye sapʼena.

1 Rapajko 1:50 Referans Kwoze

1 Rapajko 2:28

Niạko khobor do Joabakʼ luturre seṭerena. Uni do Absalom secʼ bae tahẽkanre hõ Adoniạ secʼe tahẽkana, onate uni doe ńir paskaoente Probhu Isorakʼ tạmbure senkate pinḍ reakʼ dereńe sapʼ hapekeda.

Sereńko 118:27

Probhugeye Isor kana, uni doe marsal akawatʼlea. Ar porobren dãṛẽko do baberte tol idikope pinḍ reakʼ dereń hạbicʼ.

Exodus 38:2

Pinḍ reakʼ ponon konacre ponea dereńe benaoada; ar dereńko do pinḍ sãote joṛao mitʼge tahẽkana. Uni do dereńko sudhạ pinḍ do pitạlteye tolkeda.

Exodus 27:2

Pinḍ benao jokhecʼ ona ponon konacre ponea dereńem benao ocoya. Onate dereń sudhạ pinḍ reakʼ mitʼṭecʼ jinisge hoyokʼa. Ar pinḍ do pitạltem tol ocoya.

Exodus 21:14

Jãhãege laha khon hudis goṭakate mitʼhoṛe goje ar pinḍ ṭhen senkate asraye hatao, enḍekhan uni hoṛ do onḍe khon sapʼ ạgukate goje hoyokʼa.

Exodus 30:10

Puruchun lạgitʼ kại ńutumte samaṅokʼakʼ mãyãm do pinḍ reakʼ dereńkorem ojokʼakʼa ar Aron do bochorre mitʼ dhao pinḍe saphaea. Ar nonkate maraṅ naeke do piṛhike piṛhi bochorre mitʼ dhao noa kạmi hoyokʼtaea. Noa do Probhu Isor ńutumte sonot utạrakʼ pinḍ kana.”

1 Rapajko 1:49

Adoniạren neota akan hoṛko do niạ kathako ańjomketʼ khan ạḍiko botorena ar beretʼkate apan ạpin horteko calao baṛayena.

1 Rapajko 1:51

Unre Solomonko baḍae ocokedea, Adoniạ do am botorte pinḍ reakʼ dereńe sapʼ hapeketʼteye menkeda, “Solomon raj do teheń iń ṭhene kiriạkʼma, jemon acʼren guti aloe gocʼ giḍikae.”

Jeheskel 43:15

ar pinḍ reakʼ muthnitetʼ culhạ hĩs do pon moka tahena, ar pinḍ reakʼ culhạ reakʼ hĩs khon coṭ secʼ ponea dereń oḍok akan tahena, mimitʼ moka usul.