1 Rapajko 1:40 - সান্তালী বাইবেল

⁴⁰ Ona tayom hoṛko do tiriyạ oroṅ oroṅte ar ạḍi rạskạ salakʼ Solomon tayom tayomteko ruạṛ hecʼena. Onko do nunạkʼko rạskạyena, onkoakʼ andoṛte ot hõ dal dalaoena.

1 Rapajko 1:40 Referans Kwoze

Luk 19:37

Ado Jerusalem sor reakʼ okaṭakʼ hor do Jạitun buru khon pheḍ hecʼakan ona soṛokreye seṭerena. Ar uni sãote uniren ạḍi utạr cela hõko tahẽkana. Onko do uniyakʼ hahaṛa kạmiko ńelletʼte rạskạte ãṭ aṛaṅte Isor sarhaoete memenko ehopʼena,

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Daniel 3:5

tinre sakwa, tiriạ, binạ banam, peṛesaṅ, taranakʼ banamko, joṛa murli ar sanam lekan bajnako reakʼ saḍepe ańjoma unre ape joto hoṛ do otre ombakʼkate Nebukadnesar rajren bekʼnaoicʼ uni sonaren murhutʼpe sewawaea.

Sereńko 97:1

Probhu Isorgeye raj kana; dhạrti doe rạskạkʼma, ar sạṅgiń reakʼ dipko hõko kusikʼma.

2 Rapajko 11:20

Onate disạmren sanam hoṛko rạskạyena ar nagraha do suluk ruạṛena. Ar Athaliạ do raj oṛakʼreye gocʼ ocoyena.

2 Rapajko 11:14

Uni doe ńelkeda raj do tham khunṭi aṛereye teṅgo akana. Ar Subedarko ar sakwa okʼroṅko do raj beṛhaeteko teṅgo akana ar disạmren sanam hoṛ doko rạskạkʼ kana ar sakwako oroṅeda. Niạ ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! Hul!”

1 Samuel 11:15

Onate hoṛko do Gilgolte senkate Probhu Isor samaṅre Sạul do raj hudạreko bahalkedea. Ar onḍe Probhu Isor ńutumte sulukren samaṅokʼakʼko samaṅkeda ar Sạul ar Israelrenko do ạḍiko rạskạyena.

1 Rapajko 1:39

Unre naeke Sadok do sonot tạmbu khon dereńte sunume ạgukeda ar Solomone ojokʼ bahalkedea. Ona tayom onko do sakwako oroṅkeda ar Israelko do ãṭ aṛaṅte hohoateko menkeda, “Solomon raj do jaejug baṛe jiwetʼe tahenma.”

1 Rapajko 1:41

Unre Adoniạ ar uniren sanam neota akan hoṛko do ạuriko jom sạtrege ona reakʼ andoṛko ańjomkeda. Sakwa reakʼ saḍe ańjomte Joab doe kuliyana, “Nagrahare nonka gulmal do cedakʼ hoyokʼkana?”

1 Rapajko 1:45

ar Sadok naeke ar Nathan nạbi do Gihonre raj lekate unikin ojokʼ bahalkedea. Onḍe khon hoṛko do rạskạ salakʼko ruạṛ hạjukʼkan reakʼ andoṛge nagrahare hoyokʼkana. Ape do ona reakʼ anḍoṛgepe ańjomeda.

1 Samuel 4:5

Probhu Isorakʼ goha sinduk ḍerate ạguiyen khan Israelren sanamko nunạkʼ ãṭ aṛaṅteko hohokeda je, ona do disạm reakʼ sanam jaegare seṭerena.