1 Rapajko 1:34 - সান্তালী বাইবেল

³⁴ Sadok naeke ar Nathan nạbi do onḍe Israelkoren raj mente uni kin ojokʼ bahalea. Ar ona tayom do sakwa oroṅkate ãṭ aṛaṅtepe mena, ‘Solomon raj do jaejug hạbicʼ jiwetʼ baṛeye tahenma.’

1 Rapajko 1:34 Referans Kwoze

1 Rapajko 1:25

Ente uni do teheń senkate ạḍi utạr ḍaṅgra, lodgopʼ lodgopʼ bạchurko ar bheḍakoe samaṅ akatʼkoa ar rajren hoponko, senaputiko ar naeke Ạbiạthar hõe neota akadea. Onko do ńitokʼ uni sãoteko jom-ńũiyeda arko meneda, ‘Adoniạ raj do jaejug hạbicʼ jiwetʼe tahenma.’

2 Samuel 15:10

Absalom do Israelren sanam gusṭiko ṭhen noa katha menkate oko okote hoṛkoe kolketʼkoa, “Sakwa reakʼ saḍe ańjom toragepe mena, ‘Absalom do Hebronren raje hoyena.’ ”

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

2 Rapajko 11:12

Unre Jehoyada do rajren hopone oḍok ạgukedete uniyakʼ bohokʼre mukuṭe horokʼadea ar uniyakʼ tire bondobos reakʼ puthiko caladea. Onko do raj menteko ojokʼ bahalkedea ar disạm hoṛko do ti thayoate ar ãṭ aṛaṅte hohoateko menkeda, “Moharaj do jiwetʼ baṛeye tahenma.”

2 Rapajko 9:13

Unre onko subedarko do usạrate akoakʼ hoṛmo reakʼ kicricʼko bocʼketʼte siṛhi cetanre Jihuakʼ jaṅga latarreko aṭetʼkeda. Ar ona tayom do sakwa oroṅkate ãṭ aṛaṅateko menkeda, “Jihu kangeae raj do.”

2 Rapajko 9:3

Ona tayom cukạkʼ reakʼ sunum uniyakʼ bohokʼre dulkatem mena, Probhu Isore meneda, ‘Israelren raj mente iń do amiń ojokʼ bahalketʼmea.’ Ona tayom duạr jhicʼkate am dom ńir oḍokokʼa, ar alogem biloma.”

1 Rapajko 19:16

Ona chaḍa Nimsiren goṛomtetʼ koṛa Jehu do Israelren raj mentem ojokʼ bahalea, ar amakʼ hudạre nạbi hoyokʼ lạgitʼ do Abel Meholaren Saphat hopon Elisayem ojogea.

2 Samuel 5:3

Israel disạmren sanam murubbiko do Hebronren raj Dạud ṭhenko jarwayena. Unre raj do Probhu Isorge gohayicʼe dohokedete onko sãote mitʼṭecʼ bondobose bandhaokeda. Ar onko do Israel cetanre Dạudko rajkedea.

1 Samuel 16:3

Ar ona samaṅokʼakʼem samaṅ jokhecʼ Jisạiyem neotaea. Ona tayom cetʼ cekae hoyokʼtama onań lạiyama. Ar okoeyakʼ kathań lạiyam unige iń ńutumtem ojokʼ bahalea.”

2 Rapajko 11:14

Uni doe ńelkeda raj do tham khunṭi aṛereye teṅgo akana. Ar Subedarko ar sakwa okʼroṅko do raj beṛhaeteko teṅgo akana ar disạmren sanam hoṛ doko rạskạkʼ kana ar sakwako oroṅeda. Niạ ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! Hul!”

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Jesaea 45:1

Probhu Isor do acʼren ojokʼ bachao akan hoṛ Kores reaṅe meneda, “Uni samaṅre boṅgan hoṛ jạtrenko jaṅga latarko ar rapajko reakʼ paṭheakʼ raṛaetako lạgitʼ iń do uniyakʼ jojomtiyiń sapʼ akatʼtaea. Iń do uni samaṅre silpińkoń jhija jemon duạrko siń alo tahen.”

Sereńko 89:36

Uniren bõsko do jaejug hạbicʼko tahena; ar uniyakʼ siṅghạson do iń samaṅre siń cando leka tahena.

Sereńko 89:20

Ińren golam Dạud doń sendra ńam akadea; ar ińakʼ sonot sunumteń ojokʼ bahalkedea.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

2 Bõsbudạ 23:11

Ona tayom Jehoyada ar uniren hoponko do rajren hoponko oḍok ạgukedete uniyakʼ bohokʼre mukuṭko horokʼadea. Onko do uniyakʼ tire bondobos reakʼ puthiko caladea ar raj menteko ojokʼ bahalkedea. Unre hoṛko do ãṭ aṛaṅte hohoateko menkeda, “Maharaj do jiwetʼe tahenma.”

2 Rapajko 9:6

Onate Jihu doe beretʼente oṛakʼ bhitriteye boloyena. Unre uni nạbi do Jihuwakʼ bohokʼre cukạkʼ reakʼ sunum dulketʼteye menkeda, “Israelren Probhu Isor do niạ kathae meneda, ‘Probhu Isorren hoṛko cetanre, metakʼme Israelko cetanre iń do raj menteń ojokʼ bahalketʼmea.

2 Samuel 2:4

Unre Jihudạren hoṛko do Hebronteko hecʼena ar Dạud do Jihudạ gusṭiren raj menteko ojokʼ bahalkedea. Hoṛko do Dạud niạ sombatko lạiyadea, Jabes-Gileadren hoṛge Sạul doko topa akadea.

1 Samuel 10:24

Unre Samuel do sanamkoe metatʼkoa, “Ape do cetʼ Probhu Isore bachao akade hoṛpe ńelńame kana?” Sanam hoṛko modre uni lekanko do ar okoege bạnukʼkoa. Unre hoṛkoko menkeda, “Raj do jiwetʼ baṛeye tahenma.”

1 Rapajko 1:35

Inạ tayom ape do uni tayom tayomtepe ruạṛ hijukʼa. Ar uni do ińakʼ siṅghạsonreye duṛupʼa ar ińakʼ jaegareye rajokʼa. Ar iń do Israel ar Jihudạren disạm cakʼlaoyicʼ iń ojokʼ bahalkedea.”

1 Rapajko 1:39

Unre naeke Sadok do sonot tạmbu khon dereńte sunume ạgukeda ar Solomone ojokʼ bahalkedea. Ona tayom onko do sakwako oroṅkeda ar Israelko do ãṭ aṛaṅte hohoateko menkeda, “Solomon raj do jaejug baṛe jiwetʼe tahenma.”