1 Rapajko 1:3 - সান্তালী বাইবেল

³ Onate onko do mitʼṭen mońj okocʼ kuṛi ńame lạgitʼ goṭa Israel disạmre sendrayeko ehopʼena. Tayomte onko do Sunemiạ Abisogko ńamkedea ar uni do raj ṭhenko ạgukedea.

1 Rapajko 1:3 Referans Kwoze

Josuạ 19:18

Onkoakʼ jaegare do paṛaoena, Jisreyel, Kesulot, Sunem,

Ester 2:4

Ona tayom maharaj okoeṭakʼe kusiyae unige Bạsti rạni bodolte rạniye hoyokʼma.” Niạ sopolha raj do bogegeye metatʼa. Ar ona lekage uni doe kạmikeda.

Ester 2:2

Unre rajren kạmiyạkoko menkeda, “Maharaj lạgitʼ mońj kũạ̃ri kuṛiko ńamokʼma.

2 Rapajko 4:8

Mitʼdin Elisae do Sunemteye senena. Ar onḍenicʼ mitʼṭen kisạ̃ṛ maejiu do uni jom ocoye lạgitʼ ạḍiye arojadea. Ar inạ tayom tinạkʼ dhao ona horteye calakʼkan tahẽkan unạkʼ dhaoge ona oṛakʼre jom lạgitʼe bolokʼkan tahẽkana.

1 Samuel 28:4

Philisṭiko do mitʼ sãoteko jarwa mitʼente Sunemreko ḍerayena. Ar Sạul hõ Israelren sanam lạṛhại phạdkoe jarwaketʼkote Gilboa burureye ḍerayena.

2 Rapajko 4:25

Nonkate uni doe oḍok hecʼena ar Karmel burute Isorren hoṛ ṭhene seṭerena. Isorren hoṛ do maejiu sạṅgińre tahẽkanregeye ńelkede khan acʼren guti Gehosiye metadea, “Hạni ńeleme, Sunemiạ maejiu.

1 Rapajko 1:2

Ona iạte uniren kạmiyạko do uniko metadea, “Ale do aleren mạlik maharaj lạgitʼ mitʼṭen kũạri kuṛile sendra ạguyea. Uni do raj ṭhen tahẽkate uniye jotonea. Ar aleren mạlikakʼ hoṛmo hõ jemon lolokʼtae onate uniyakʼ koṛam ṭhene gitijokʼma.”

1 Rapajko 1:4

Kuṛi do ńelokʼte ạḍitetʼ napaegeye tahẽkana. Ar Abisog do raj ṭhen tahẽkate uni jotone ehopʼena, menkhan raj do uni bae jakʼ joṭetʼledea.