1 Rapajko 1:29 - সান্তালী বাইবেল

²⁹ Unre raj do kiriạyenteye menkeda, “Okoe do sanam muhin khone bańcao akadiń, uni jiwetʼ Isor ńutumte kiriạkateń meneda,

1 Rapajko 1:29 Referans Kwoze

2 Samuel 4:9

Dạud do Berotren Rimon hoṛren hopon Rekab ar uniren boeha Bana tạkine metatʼkinạ, “Okoe do sanam lekan muhin khone rukhiyạ akadiń uni jiwetʼ Probhu Isorre kiriạkateń meneda,

Sereńko 136:24

Okoe do bạirikoakʼ ti khon aboe bańcaoketʼbon uni gun manao joharaepe; ente uniyakʼ dulạṛ do jaejuggetaea.

Sereńko 138:7

Tinre iń do gạr talateń calakʼa unre ińakʼ jiwi do rukhiyại tińme; amakʼ ti tiạrte ińren bạirikoakʼ edre cabaetakome, ar amakʼ jojomtite rukhiyạyińme.

Sereńko 72:14

Santao ar khed reakʼ ti khon onkoakʼ jiwiye rukhiyại takoa; uniyakʼ mẽtʼre onkoakʼ mãyãm reakʼ dam do ḍhergea.

2 Rapajko 5:16

Nạbiye roṛ ruạṛkeda, “Okoeyiń sewawae kan uni jiwetʼ Probhu Isor ńutumteń kiriạkʼ kana, iń do mitʼṭecʼ jinis hõ bạń hataotama.” Namane jormoṭkedere hõ uni do bae rạjilena.

2 Rapajko 4:30

Menkhan gidrạren eṅgattetʼ doe menkeda, “Jiwetʼ Probhu Isor ar amre kiriạkateń meneda, iń do bạń bạgiwama.” Onate Elisae doe beretʼente maejiu tayom tayomteye calaoena.

1 Rapajko 18:10

Amren jiwetʼ Probhu Isor ńutumte kiriạkateń metamkana, nonkan jạtrenko se rajosṭiko bạnukʼa one okare ińren mạlik do am sendrame lạgitʼ hoṛ bae kol akatʼko. Onko jạtrenko se rajosṭire tinreko lạikeda onḍe do bạnuma unre uni do onkoe kiriạ ocoyetʼko tahẽkana, ar sạrige onko do bako sendra ńam daṛeakatʼmea.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Rapajko 2:24

Okoe do ińren ạpuńakʼ siṅghạsonreye duṛupʼ akadińạ ar acʼakʼ gokʼakʼ lekate iń lạgitʼ mitʼṭen raj bõse teṅgo akawadiń uni jiwetʼ Probhu Isor ńutumte kiriạkateń meneda, teheńge Adoniạ doe gocʼ ocokʼa.”

2 Samuel 12:5

Niạ katha ańjomkate Dạud do uni kisạ̃ṛ hoṛ cetanre ạḍiye raṅgaoena. Uni do Nathane metadea, “Probhu Isore jiwetʼ lekage, okoe hoṛ nonkae kạmi akatʼ uni do gocʼ ocokʼ lek kanae.

1 Samuel 20:21

Ona tayom mitʼṭen koṛa niạ menkate liń kolea, ‘Do, sarko sendra ạguiyme.’ Ar unre liń menle khan, ‘sarko iń secʼre menakʼa, ạguiyme.’ Enḍekhan aben doben hijukʼa, ente jiwetʼ Isor ńutumte liń metaben kana aben doben khạtirjomagea, ar botor do bạnukʼanaṅ.

1 Samuel 19:6

Unre Sạul do Jonathanakʼ katha ańjomkate kiriạyenteye menkeda, “Jiwetʼ Probhu Isor ńutumte kiriạkateń meneda uni do bae gocʼ ocokʼa.”

1 Samuel 14:45

Menkhan hoṛko do Sạulko metadea, “Okoe iạte Israelko niạ maraṅ bańcaoko ńamakatʼ uni Jonathan do cetʼ gujukʼ hoyokʼtea? Tisge baṅa; jiwetʼ Isor ńutumtele kiriạkʼ kana, uniyakʼ mitʼṭecʼ upʼ hõ otre do baṅ ńurokʼtaea, ente uni teheń okae ceka akatʼ ona do Isor sãote tahẽkategeye onka akada.” Nonkate hoṛko do Jonathanko rukhiyạkedea, ar uni do bae gocʼ ocolena.

1 Samuel 14:39

Israelkoren babańcaoicʼ jiwetʼ Probhu Isor ńutumteń kiriạkʼ kana, ińren hopon Jonathan hõ onae onka akatʼ khan khạṭige uni hõ gujukʼ hoyokʼtaea.” Menkhan hoṛko do jotoge hape akanko tahẽyena.

Bikʼcạrko 8:19

Gideone menkeda, “Onko do ińren boehako tahẽkana, ińren mitʼ lacʼ boehage. Jiwetʼ Isor ńutumteń kiriạkʼ kana, onko jiwetʼpe doholeko khan iń hõ apeko jiwetʼ iń dohokepea.”

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

1 Rapajko 1:28

Unre Dạud raje menkeda, “Bethseba hohowaepe.” Onate Bethseba do raj samaṅreye teṅgoyena.