1 Rapajko 1:25 - সান্তালী বাইবেল

²⁵ Ente uni do teheń senkate ạḍi utạr ḍaṅgra, lodgopʼ lodgopʼ bạchurko ar bheḍakoe samaṅ akatʼkoa ar rajren hoponko, senaputiko ar naeke Ạbiạthar hõe neota akadea. Onko do ńitokʼ uni sãoteko jom-ńũiyeda arko meneda, ‘Adoniạ raj do jaejug hạbicʼ jiwetʼe tahenma.’

1 Rapajko 1:25 Referans Kwoze

1 Samuel 10:24

Unre Samuel do sanamkoe metatʼkoa, “Ape do cetʼ Probhu Isore bachao akade hoṛpe ńelńame kana?” Sanam hoṛko modre uni lekanko do ar okoege bạnukʼkoa. Unre hoṛkoko menkeda, “Raj do jiwetʼ baṛeye tahenma.”

1 Rapajko 1:19

Uni do ạḍi utạr ḍaṅgrako, lodgopʼ lodgopʼ bạchurko ar bheḍakoe samaṅketʼkoa ar rajren sanam hoponko, naeke Ạbiạthar ar subedar Joab hõe neota akadea, menkhan amren guti Solomon do bae neotaledea.

1 Rapajko 1:9

Adoniạ do On-regel aṛere Sohelot dhiri ṭhen ḍaṅgrako, bheḍako, lodgopʼ lodgopʼ bạchurkoe samaṅketʼkote acʼren boehako, metatʼme rajren hoponko ar Jihudạren sanam rajren kạmiyạkoe neotaketʼkoa.

Luk 19:38

“Bhorangeae Probhu Isor ńutumte daraekanicʼ raj do; sermare suluk ar coṭ utạrkore ṭhonok.”

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

2 Bõsbudạ 23:11

Ona tayom Jehoyada ar uniren hoponko do rajren hoponko oḍok ạgukedete uniyakʼ bohokʼre mukuṭko horokʼadea. Onko do uniyakʼ tire bondobos reakʼ puthiko caladea ar raj menteko ojokʼ bahalkedea. Unre hoṛko do ãṭ aṛaṅte hohoateko menkeda, “Maharaj do jiwetʼe tahenma.”

1 Bõsbudạ 29:21

Dosar hilokʼ onko do Probhu Isor ńutumte janwar samaṅokʼ ar jeredokʼ samaṅokʼ reakʼ porobko porobena. Ar sanam Israelko lạgitʼ onko do mitʼ hajar ḍaṅgra, mitʼ hajar bheḍa ar mitʼ hajar bheḍa hoponko samaṅketʼkoa ar mimitʼ goṭecʼ sãote coḍor samaṅokʼakʼ ar anajkote eṭakʼ jeredokʼ samaṅokʼakʼko samaṅkeda.

1 Bõsbudạ 29:13

“Ńitokʼ do, E aleren Isor, amle sarhaoetʼme kana, amakʼ ṭhonok reakʼ ńutumle sarhaoetʼtama.

2 Rapajko 11:12

Unre Jehoyada do rajren hopone oḍok ạgukedete uniyakʼ bohokʼre mukuṭe horokʼadea ar uniyakʼ tire bondobos reakʼ puthiko caladea. Onko do raj menteko ojokʼ bahalkedea ar disạm hoṛko do ti thayoate ar ãṭ aṛaṅte hohoateko menkeda, “Moharaj do jiwetʼ baṛeye tahenma.”

1 Rapajko 1:34

Sadok naeke ar Nathan nạbi do onḍe Israelkoren raj mente uni kin ojokʼ bahalea. Ar ona tayom do sakwa oroṅkate ãṭ aṛaṅtepe mena, ‘Solomon raj do jaejug hạbicʼ jiwetʼ baṛeye tahenma.’

2 Samuel 16:16

Unre Dạudren gate Erekren Husai do Absalom ṭhen senkateye menkeda, “Maharaj jiwetʼ baṛeye tahenma! Maharaj jiwetʼ baṛeye tahenma.”

Mathae 22:4

Unre uni do arhõ eṭakʼ gutiko noa menkateye kolketʼkoa, ‘ńelpe bhojiń tear akada, ar ińren daṅgra ar posaokoń gur akatʼkoa. Ar ńitokʼ do sanamakʼ sạt akana, ado dela hijukʼ tabonpe.’

1 Rapajko 1:24

Ona tayom uni do raje metadea, “E ińren mạlik maharaj, am do cetʼ noam lại sodoreda je, am tayom do Adoniạge raje hoyokʼa mente, ar unige amakʼ siṅghạsonrey duṛupʼa?

1 Rapajko 1:39

Unre naeke Sadok do sonot tạmbu khon dereńte sunume ạgukeda ar Solomone ojokʼ bahalkedea. Ona tayom onko do sakwako oroṅkeda ar Israelko do ãṭ aṛaṅte hohoateko menkeda, “Solomon raj do jaejug baṛe jiwetʼe tahenma.”

1 Rapajko 2:15

Unre uniye menkeda, “Am dom baḍaegea rajosṭi do ińakʼge tahẽkana. Ar Israelren sanamkogeko hudisetʼ tahẽkana ińge rajiń hoyokʼa mente. Menkhan bhạg bodolente rajosṭi do ińren boehawakʼ tire calaoena, ente ona do Probhu Isor ṭhen khongeye ńam akada.

2 Rapajko 9:13

Unre onko subedarko do usạrate akoakʼ hoṛmo reakʼ kicricʼko bocʼketʼte siṛhi cetanre Jihuakʼ jaṅga latarreko aṭetʼkeda. Ar ona tayom do sakwa oroṅkate ãṭ aṛaṅateko menkeda, “Jihu kangeae raj do.”

2 Rapajko 11:14

Uni doe ńelkeda raj do tham khunṭi aṛereye teṅgo akana. Ar Subedarko ar sakwa okʼroṅko do raj beṛhaeteko teṅgo akana ar disạmren sanam hoṛ doko rạskạkʼ kana ar sakwako oroṅeda. Niạ ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! Hul!”