1 Rapajko 1:20 - সান্তালী বাইবেল

²⁰ E ińren mạlik maharaj, sanam Israelko do amko koyokʼ hor akatʼmea. Onko do am ṭhen khon baḍae sanayetʼkoa ińren mạlik maharajakʼ do acʼ tayom siṅghạsonre okoeye duṛubea mente.

1 Rapajko 1:20 Referans Kwoze

Sakariạ 3:9

E Josuạ, iń do am samaṅre mitʼṭecʼ dhiriń dohoakada. Ona dhiri cetanre do eae goṭecʼ mẽtʼ menakʼa, ar ona cetanre mitʼṭecʼ kathageń rokʼ dohokakʼa ar mitʼ dinrege noa disạm reakʼ kại doń sạṅgiń giḍikakʼa.

Sereńko 123:2

Golamkoakʼ mẽtʼ do cetʼleka kisạ̃ṛ reakʼ ti secʼ ar kạ̃ṛmĩkoakʼ mẽtʼ hõ akoren kisạ̃ṛ era secʼ, onkage aboakʼ mẽtʼ hõ Probhu Isor secʼ menakʼa, one ạuriye daya abon hạbicʼ.

Sereńko 25:15

Ińakʼ mẽtʼ do siń sạṭupʼ Probhu Isor secʼge menakʼa, ente unige Soetanakʼ jhạli khon jaṅgae chaḍaotińạ.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

2 Samuel 23:2

Probhu Isorren Jiu do iń hotete kathae roṛeda, uniyakʼ katha do ińakʼ luṭire menakʼa.

1 Rapajko 1:19

Uni do ạḍi utạr ḍaṅgrako, lodgopʼ lodgopʼ bạchurko ar bheḍakoe samaṅketʼkoa ar rajren sanam hoponko, naeke Ạbiạthar ar subedar Joab hõe neota akadea, menkhan amren guti Solomon do bae neotaledea.

1 Rapajko 1:21

Ar baṅkhan ińren mạlik maharaj do tinre acʼren hapṛamko ṭhene senokʼa unre iń ar ińren hopon Solomon do dusi hoṛ menteko hudislińạ.”