1 Rapajko 1:16 - সান্তালী বাইবেল

¹⁶ Bethseba do raje joharadea. Raj do uniye kulikedea, “Jãhãnakʼem khojkana?”

1 Rapajko 1:16 Referans Kwoze

1 Samuel 25:23

Abigael do Dạude ńelkede khan usạrate gadha khone pheḍena ar otre ombakʼkate Dạude ḍobokʼadea.

1 Samuel 24:8

Ona tayom Dạud hõ dander khone oḍokente ãṭ aṛaṅte Sạul hohoateye metadea, “E ińren mạlik, maharaj!” Ar Sạul do tayom secʼe beṅgetʼ ạcurketʼ khan Dạud do otre ombakʼkate Sạule ḍobokʼadea.

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

Mathae 20:32

Unre Jisu doe teṅgoyena ar hohoatʼkinteye metatʼkinạ, “Iń do aben lạgitʼ cetʼ iń cekaea?

Mathae 20:21

Jisu do uniye metadea, “Cetʼem khojkana?” Uni doe menkeda, “Noa hukum emokʼme, amakʼ rajre jemon nukin modre mitʼ hoṛ do amakʼ jojomsa aṛere ar eṭagicʼ do amakʼ leṅgasa aṛere kin duṛupʼ ńam.”

Ester 7:2

Unkin do tinre darkha rasakin ńuńukan tahẽkana unre raj do arhõe kuliyana, “Ester rạni, am do cetʼem khojkana? Am okam khoj onagem emocokʼa. Amakʼ nehõr joṅakʼ do cetʼ tam? Adha rajosṭim khoj khan ona hõm ńama.”

1 Rapajko 2:20

Bethsebae menkeda, “Mitʼṭecʼ huḍiń machań nehõrama; ar alogem ruạṛkạńạ.” Raje roṛ ruạṛkeda, “E Go, ma roṛme, iń do bạń ruạṛmea.”

1 Rapajko 1:23

Unre mitʼ hoṛ do raje metadea, “Nathan nạbi do nonḍeye hecʼ akana.” Unre Nathan do raj samaṅre senkate otre ombakʼkateye joharadea.

1 Rapajko 1:15

Unre Bethseba do raj sãote ńapamokʼ lạgitʼ uniyakʼ oṛakʼteye boloyena. Unre raj do ạḍitetʼe haṛam thalakʼ thulukʼ caba akan tahẽkana ar Sunemiạ Abisog do uniye jotonede tahẽkana.

1 Rapajko 1:17

Bethseba do uniye metadea, “E ińren mạlik, amge amren Isor ńutumte kiriạkate amren kạ̃ṛmĩ ṭhenem menleda, amren hopon Solomonge am tayom raj doe hoyokʼa ar unige amakʼ siṅghạsonreye duṛupʼa.